Qizil ğozlar
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 128-b. — ziyouz.com
Qizil ğozlar QIZIL ĞOZLAR, flamingolar — quşlar turkumi. Ba'zan laylaksimonlar turkumi tarkibiga kenja turkum maqomida ham kiritiladi. 6 turi ma'lum. Janubiy Ğarbiy Yevropa, Afrika, Janubiy Ğarbiy Osiyo, Janubiy va Markaziy Amerika hamda Şim. Amerikaning jan. qismida tarqalgan. Tanasi 91 — 120 sm, qanoti 43—49 sm, oğirligi 3—4 kg. Tumşuği katta, pastga qayrilgan. Jağining çetlarida şoxsimon plastinkaçalar joylaşgan bölib, suv yoki suyuqroq balçiqdan oziq moddalarni suzib olişiga yordam beradi. Oyoq va böyni uzun, barmoqlari orasida suzgiç parda bor. Puşti, oq, yirik patlari qora. Dengiz va şör köl qirğoqlariga koloniya bölib (ba'zan bir neça mingtasi birga) uya quradi. Oddiy qizil ğoz Kaspiy dengizining şim.şarqiy qismi va Qozoğistonning şör köllari atrofi (odam borişi qiyin joylar) da yaşaydi. Konussimon, bal. 10—60 sm li uyasini balçiq yoki qumdan yasaydi. 1—3 ta tuxum qöyadi. Tuxumini nari va modasi navbat bilan 30—32 kun bosadi. Q. ğ. uruğ, suvötlar, qisqiçbaqasimonlar, mollyuska va suv haşarotlari bilan oziqlanadi.
Asl matn (kirill, PDF'dagidek)
ҚИЗИЛ ҒОЗЛАР, фламинголар — қушлар туркуми. Баъзан лайлаксимонлар туркуми таркибига кенжа туркум мақомида ҳам киритилади. 6 тури маълум. Жанубий Ғарбий Европа, Африка, Жанубий Ғарбий Осиё, Жанубий ва Марказий Америка ҳамда Шим. Американинг жан. қисмида тарқалган. Танаси 91 — 120 см, қаноти 43—49 см, оғирлиги 3—4 кг. Тумшуғи катта, пастга қайрилган. Жағининг четларида шохсимон пластинкачалар жойлашган бўлиб, сув ёки суюқроқ балчиқдан озиқ моддаларни сузиб олишига ёрдам беради. Оёқ ва бўйни узун, бармоқлари орасида сузгич парда бор. Пушти, оқ, йирик патлари қора. Денгиз ва шўр кўл қирғоқларига колония бўлиб (баъзан бир неча мингтаси бирга) уя қуради. Оддий қизил ғоз Каспий денгизининг шим.шарқий қисми ва Қозоғистоннинг шўр кўллари атрофи (одам бориши қийин жойлар) да яшайди. Конуссимон, бал. 10—60 см ли уясини балчиқ ёки қумдан ясайди. 1—3 та тухум қўяди. Тухумини нари ва модаси навбат билан 30—32 кун босади. Қ. ғ. уруғ, сувўтлар, қисқичбақасимонлар, моллюска ва сув ҳашаротлари билан озиқланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.