Qizqörğon qörğoşinqalay koni
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 144–145-b. — ziyouz.com
Qizqörğon qörğoşinqalay koni — Samarqand viloyatidagi Zirabuloq toğining jan. yon bağridagi kon. 1951 y.da G.F.Şenderey oçgan. Kon geologiyasini H.N.Boymuhamedov, E.A.Usmonov örgangan. Konning geologik tuzilişida silur davrining marmarlaşgan ohaktoş va dolomitlari bilan yuqori karbon — quyi perm otqindi jinslari iştirok etgan. Otqindi jinslar granodiorit, leykokrat, granit va lamprofir, aplit day-kalaridan iborat. Kon Zirabuloq an-tiklinalining jan. qanotiga birikkan bölib, unda şim.- şarqiy va şim.-ğarbiy yönalişlardagi tektonik dislokatsiyalar mavjud. Konda qörğoşin-qalayli magnezial skarnlar, gidrotermal özgargan zonalar va tomirlar ajratiladi. Rudali skarnlar granodiorit va granit-aplit daykalari bilan dolomitli ohaktoşlarning tutaşgan joylari hamda karbonat jinslar içida hosil bölgan. Ohaktoşlarda gidrotermal özgargan zonalar va tomirlar rivojlangan. Kon rudalaridagi asosiy foydali qazilmalar — qörğoşin minerali — galenit bilan qalay minerallari — kassiterit, stanin, tillit, frankit. Noruda minerallardan piroksen, amfibol, kvars, kalsit bor. Q.q.-q.k. qörğoşinqalayli skarn gidrotermal konlarga kiradi.
Asl matn (kirill, PDF'dagidek)
ҚИЗҚЎРҒОН ҚЎРҒОШИНҚАЛАЙ КОНИ — Самарқанд вилоятидаги Зирабулоқ тоғининг жан. ён бағридаги кон. 1951 й.да Г.Ф.Шендерей очган. Кон геологиясини Ҳ.Н.Боймуҳамедов, Э.А.Усмонов ўрганган. Коннинг геологик тузилишида силур даврининг мармарлашган оҳактош ва доломитлари билан юқори карбон — қуйи пермь отқинди жинслари иштирок этган. Отқинди жинслар гранодиорит, лейкократ, гранит ва лампрофир, аплит дай-каларидан иборат. Кон Зирабулоқ ан-тиклиналининг жан. қанотига бириккан бўлиб, унда шим.- шарқий ва шим.-ғарбий йўналишлардаги тектоник дислокациялар мавжуд. Конда қўрғошин-қалайли магнезиал скарнлар, гидротермал ўзгарган зоналар ва томирлар ажратилади. Рудали скарнлар гранодиорит ва гранит-аплит дайкалари билан доломитли оҳактошларнинг туташган жойлари ҳамда карбонат жинслар ичида ҳосил бўлган. Оҳактошларда гидротермал ўзгарган зоналар ва томирлар ривожланган. Кон рудаларидаги асосий фойдали қазилмалар — қўрғошин минерали — галенит билан қалай минераллари — касситерит, станин, тиллит, франкит. Норуда минераллардан пироксен, амфибол, кварц, кальцит бор. Қ.қ.-қ.к. қўрғошинқалайли скарн гидротермал конларга киради.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.