Qoğonoq suvi
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 329-b. — ziyouz.com
Qoğonoq suvi - ona qornidagi homilani örab turadigan suyuqlik. Homilani taşqi ta'sirotlardan himoya qilib, uning töğri ösişini ta'minlaydi. Q.s. fiziologik ahamiyatga ega, u homilaning qimirlaşiga qulaylik yaratadi, unga kislorod va oziq moddalar yetkazib turadi; homila kindigini siqilib qolişdan saqlaydi, tuğruq vaqtida baçadon böynining normal oçilişiga imkon beradi. Tuğruq boşlanişiga qadar Q.s.ning ketib qolişi ança xavfli, bunda noxuş oqibatlar yuzaga kelişi mumkin. Bunday hollarda homilador ayolni tuğruqxonaga jöna-tiş kerak. Q.s.da moddalar almaşinuvi jarayonida homila ajratadigan mahsulotlar böladi. Şuning uçun Q.s. tarkibini örganiş akuşerga homilaning ahvoli töğrisida ança aniq tasavvurga ega böliş va zarur bölganda unga öz vaqtida tegişli yordam körsatişga imkon beradi.
Homiladorlik oxirida suv miqdori 1 —1,5 l ga yetadi. Qs.ning normadan kam bölişi homilada tuğma nuqsrnlar vujudga kelişiga, suv köp bölişi esa homiladorlik va tuğiş davrida turli asoratlar (mas, dard tutişining sust bölişi, qon ketişi va b.)ga sabab böladi. Şuning uçun homilador ayolda köp suvlik alomatlari sezilganda darhol tuğruqxonaga yotqizib tekşiriş va davolaş talab etiladi.
Asl matn (kirill, PDF'dagidek)
ҚОҒОНОҚ СУВИ - она қорнидаги ҳомилани ўраб турадиган суюқлик. Ҳомилани ташқи таъсиротлардан ҳимоя қилиб, унинг тўғри ўсишини таъминлайди. Қ.с. физиологик аҳамиятга эга, у ҳомиланинг қимирлашига қулайлик яратади, унга кислород ва озиқ моддалар етказиб туради; ҳомила киндигини сиқилиб қолишдан сақлайди, туғруқ вақтида бачадон бўйнининг нормал очилишига имкон беради. Туғруқ бошланишига қадар Қ.с.нинг кетиб қолиши анча хавфли, бунда нохуш оқибатлар юзага келиши мумкин. Бундай ҳолларда ҳомиладор аёлни туғруқхонага жўна-тиш керак. Қ.с.да моддалар алмашинуви жараёнида ҳомила ажратадиган маҳсулотлар бўлади. Шунинг учун Қ.с. таркибини ўрганиш акушерга ҳомиланинг аҳволи тўғрисида анча аниқ тасаввурга эга бўлиш ва зарур бўлганда унга ўз вақтида тегишли ёрдам кўрсатишга имкон беради.
Ҳомиладорлик охирида сув миқдори 1 —1,5 л га етади. Қс.нинг нормадан кам бўлиши ҳомилада туғма нуқсрнлар вужудга келишига, сув кўп бўлиши эса ҳомиладорлик ва туғиш даврида турли асоратлар (мас, дард тутишининг суст бўлиши, қон кетиши ва б.)га сабаб бўлади. Шунинг учун ҳомиладор аёлда кўп сувлик аломатлари сезилганда дарҳол туғруқхонага ётқизиб текшириш ва даволаш талаб этилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.