Qonunçilik taşabbusi
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 240-b. — ziyouz.com
Qonunçilik taşabbusi - qonun loyihalarini qonun çiqaruvçi organlar muhokamasiga taqdim etiş huquqi; mazkur organlar qonun loyihasini muhokama qilişga va şu loyiha yuzasidan qaror qabul qilişga majbur. Zamonaviy davlatlarda Q.t. huquqiga, odatda, parlament deputatlari, parlament qömitalari, hukumat, davlat boşliği va umummilliy kompetensiyali alohida idoralar egadir. Qt. huquqi qanday idoralar va şaxslarga berilişi Konstitutsiyada belgilab qöyiladi. Mas, Özbekiston Respublikasining Konstitutsiyasi böyiça, Q.t. huquqiga Özbekiston Respublikasi Prezidenti, öz davlat hokimiyatining oliy vakillik organi orqali Qoraqalpoğiston Respublikasi, Özbekiston Respublikasi Oliy Majlisining Qonunçilik palatasi deputatlari, Özbekiston Respublikasi Vazirlar Mahkamasi, Özbekiston Respublikasining Konstitutsiyaviy sudi, Oliy sudi, Oliy xöjalik sudi, Boş prokurori egadirlar va bu huquq Q.t. huquqi subyektlari tomonidan qonun loyihasini Özbekiston Respublikasi Oliy Majlisining qonunçilik palatasiga kiritiş orqali amalga oşiriladi (83-modda). Q.t. huquqiga ega bölmagan taşkilot va ayrim fuqarolar ham muayyan qonunlar tayyorlanayotganda öz takliflarini berişi mumkin (ular qonun tayyorlaniş jarayonida körib çiqiladi va inobatga olinadi).
Asl matn (kirill, PDF'dagidek)
ҚОНУНЧИЛИК ТАШАББУСИ - қонун лойиҳаларини қонун чиқарувчи органлар муҳокамасига тақдим этиш ҳуқуқи; мазкур органлар қонун лойиҳасини муҳокама қилишга ва шу лойиҳа юзасидан қарор қабул қилишга мажбур. Замонавий давлатларда Қ.т. ҳуқуқига, одатда, парламент депутатлари, парламент қўмиталари, ҳукумат, давлат бошлиғи ва умуммиллий компетенцияли алоҳида идоралар эгадир. Қт. ҳуқуқи қандай идоралар ва шахсларга берилиши Конституцияда белгилаб қўйилади. Мас, Ўзбекистон Республикасининг Конституцияси бўйича, Қ.т. ҳуқуқига Ўзбекистон Республикаси Президенти, ўз давлат ҳокимиятининг олий вакиллик органи орқали Қорақалпоғистон Республикаси, Ўзбекистон Республикаси Олий Мажлисининг Қонунчилик палатаси депутатлари, Ўзбекистон Республикаси Вазирлар Маҳкамаси, Ўзбекистон Республикасининг Конституциявий суди, Олий суди, Олий хўжалик суди, Бош прокурори эгадирлар ва бу ҳуқуқ Қ.т. ҳуқуқи субъектлари томонидан қонун лойиҳасини Ўзбекистон Республикаси Олий Мажлисининг қонунчилик палатасига киритиш орқали амалга оширилади (83-модда). Қ.т. ҳуқуқига эга бўлмаган ташкилот ва айрим фуқаролар ҳам муайян қонунлар тайёрланаётганда ўз таклифларини бериши мумкин (улар қонун тайёрланиш жараёнида кўриб чиқилади ва инобатга олинади).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.