Qöporuvçilik
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 438-b. — ziyouz.com
Qöporuvçilik - portlatiş, öt qöyiş yoki boşqa usul bilan korxonalar, inşootlar, yöllar, aloqa vositalarini yoxud boşqa davlat, jamoat mulkini buziş yoki şikastlantiriş, yoppasiga zaharlaş yoki epidemiyalar va epizootiyalar tarqatiş (hayvonlarga kasallik yuqtiriş) va h.k. Özbekiston jinoyat huquqida — Özbekiston Respublikasiga qarşi jinoyatlardan biri. Q. sodir etilişi natijasida mamlakat xalq xöjaligining muhim obyektlari yöq qilinişi mumkin. Bu esa iqtisodiyotga katta ziyon yetkazadi. Q. natijasida odamlar halok böladi, ularning soğliğiga zarar yetkaziladi, aholining ruhiy holatiga salbiy ta'sir etiladi, sarosimaga tuşiş va b. salbiy hodisalar yuz berişi mumkin. Q.ning hayvonlarni qirib, nobud qilişga yönaltirilgan turi ham bor, qöporuvçilar bu bilan xalq xöjaligini barbod etiş maqsadini közlaydilar. Kişilarni zaharlaş, yuqumli kasalliklar tarqatiş şaklidagi Q. harakatlari ham oğir jinoyatlardan hisoblanadi. Özbekiston Respublikasi JKga köra, davlat organlari faoliyati yoki ijtimoiy-siyosiy vaziyatning barqarorligiga yoki iqtisodiyo-tiga putur yetkaziş maqsadida odamlarni qirib yuboriş, ularning soğliğiga ziyon, mulkka şikast yetka-ziş yoki uni nobud qilişga qaratilgan harakatlar sodir etgan şaxslar 10 y.dan 20 y.gaça ozodlikdan mahrum qiliş bilan jazolanadi (161-modda).
Asl matn (kirill, PDF'dagidek)
ҚЎПОРУВЧИЛИК - портлатиш, ўт қўйиш ёки бошқа усул билан корхоналар, иншоотлар, йўллар, алоқа воситаларини ёхуд бошқа давлат, жамоат мулкини бузиш ёки шикастлантириш, ёппасига заҳарлаш ёки эпидемиялар ва эпизоотиялар тарқатиш (ҳайвонларга касаллик юқтириш) ва ҳ.к. Ўзбекистон жиноят ҳуқуқида — Ўзбекистон Республикасига қарши жиноятлардан бири. Қ. содир этилиши натижасида мамлакат халқ хўжалигининг муҳим объектлари йўқ қилиниши мумкин. Бу эса иқтисодиётга катта зиён етказади. Қ. натижасида одамлар ҳалок бўлади, уларнинг соғлиғига зарар етказилади, аҳолининг руҳий ҳолатига салбий таъсир этилади, саросимага тушиш ва б. салбий ҳодисалар юз бериши мумкин. Қ.нинг ҳайвонларни қириб, нобуд қилишга йўналтирилган тури ҳам бор, қўпорувчилар бу билан халқ хўжалигини барбод этиш мақсадини кўзлайдилар. Кишиларни заҳарлаш, юқумли касалликлар тарқатиш шаклидаги Қ. ҳаракатлари ҳам оғир жиноятлардан ҳисобланади. Ўзбекистон Республикаси ЖКга кўра, давлат органлари фаолияти ёки ижтимоий-сиёсий вазиятнинг барқарорлигига ёки иқтисодиё-тига путур етказиш мақсадида одамларни қириб юбориш, уларнинг соғлиғига зиён, мулкка шикаст етка-зиш ёки уни нобуд қилишга қаратилган ҳаракатлар содир этган шахслар 10 й.дан 20 й.гача озодликдан маҳрум қилиш билан жазоланади (161-модда).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.