Qoratov
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 268–269-b. — ziyouz.com
Qoratov — Tyanşan toğlarining şim.-ğarbiy tarmoği. Uz. 420 km dan ziyod. Qozoğistonning Jambul, Jan. Qozoğiston va Qizilörda viloyatlari hududida joylaşgan. Şim.-şarqdan Çu-Sarisuv, jan. va jan,-ğarbdan Sirdaryo botiqlari bilan öralgan. Eng baland joyi 2176 m (Bessoz toği).
Q.ning suvayirğiç qismi tekislangan yuzalardan iborat. Yon bağirlari asimmetrik tuzilişga ega: şim.-şarqiy yon bağri tik. Tizma gersin burmalanişi davrida şakllangan va yangi tektonik harakatlar ta'sirida kötarilayotgan gumbazsimon-palaxsa tipidagi antiklinoriydir. Slanets, qumtoş, konglomerat, gneys, ohaktoş, dolomitlardan taşkil topgan. Quyi paleozoy davri ohaktoşlari, ayniqsa, keng tarqalgan. Bularda karst jarayonlari yaxşi rivojlangan bölib, karst voronkalari, botiqlari, ğorlari kabi relyef şakllari hosil bölgan. Q.da yirik fosforit va polimetall ruda konlari (Mirğalimsoy, Kentov, Açisoy va b.) oçilgan va qazib olinmoqda.
Asl matn (kirill, PDF'dagidek)
ҚОРАТОВ — Тяньшан тоғларининг шим.-ғарбий тармоғи. Уз. 420 км дан зиёд. Қозоғистоннинг Жамбул, Жан. Қозоғистон ва Қизилўрда вилоятлари ҳудудида жойлашган. Шим.-шарқдан Чу-Сарисув, жан. ва жан,-ғарбдан Сирдарё ботиқлари билан ўралган. Энг баланд жойи 2176 м (Бессоз тоғи).
Қ.нинг сувайирғич қисми текисланган юзалардан иборат. Ён бағирлари асимметрик тузилишга эга: шим.-шарқий ён бағри тик. Тизма герцин бурмаланиши даврида шаклланган ва янги тектоник ҳаракатлар таъсирида кўтарилаётган гумбазсимон-палахса типидаги антиклинорийдир. Сланец, қумтош, конгломерат, гнейс, оҳактош, доломитлардан ташкил топган. Қуйи палеозой даври оҳактошлари, айниқса, кенг тарқалган. Буларда карст жараёнлари яхши ривожланган бўлиб, карст воронкалари, ботиқлари, ғорлари каби рельеф шакллари ҳосил бўлган. Қ.да йирик фосфорит ва полиметалл руда конлари (Мирғалимсой, Кентов, Ачисой ва б.) очилган ва қазиб олинмоқда.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.