Qubod
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 336-b. — ziyouz.com
Qubod QUBOD, Kavat — neolit va jez davriga oid makonlar. Xorazm hududidagi Amudaryoning qad. Oqçadaryo deltasining ğarbiy qismida, köçma qumtepalarning şim.da joylaşgan. Xorazm arxeologiyaetnografiya ekspeditsiyasi tomonidan tekşirilgan. Kaltaminor madaniyatiga öxşaydi. Q. bir neça qatlamlarga bölingan, ba'zi qatlamlari jez davriga oid makonlardir, şulardan ayrimlari ança mukammal örganilgan. Q.da yaşovçilar ovçilik, baliq ovlaş va terimçilik bilan şuğullangan. Q.-5 qatlamidan topilgan buyumlar yarim yumaloq şaklda tölqinli va töğri çiziqlar bilan bezatilgan «ko-salar» va b. sopol buyum siniqlaridan iborat. Bu naqşlar Jonbos qal'a makoni idişlari bezagiga öxşaydi. Q.-7da Kaltaminor madaniyatiga xos turar joy qoldiği topilgan. Turar joylarning mayd. 40—50 m;. asosan, qamiş va yeğoçdan, qisman loydan qilingan bölib, qurilişda ustunlardan ham foydalanilgan. Qazişlar natijasida uylardan öçoq va kul qoldiqlari, sopol idişlarning siniqlari, suyak va çaqmoqtoş buyumlari topilgan. Sopol buyumlarning sirti börtma şaklda bezatilgan. 3 mingga yaqin çaqmoqtoş qurollar topilgan.
Asl matn (kirill, PDF'dagidek)
ҚУБОД, Кават — неолит ва жез даврига оид маконлар. Хоразм ҳудудидаги Амударёнинг қад. Оқчадарё дельтасининг ғарбий қисмида, кўчма қумтепаларнинг шим.да жойлашган. Хоразм археологияэтнография экспедицияси томонидан текширилган. Калтаминор маданиятига ўхшайди. Қ. бир неча қатламларга бўлинган, баъзи қатламлари жез даврига оид маконлардир, шулардан айримлари анча мукаммал ўрганилган. Қ.да яшовчилар овчилик, балиқ овлаш ва теримчилик билан шуғулланган. Қ.-5 қатламидан топилган буюмлар ярим юмалоқ шаклда тўлқинли ва тўғри чизиқлар билан безатилган «ко-салар» ва б. сопол буюм синиқларидан иборат. Бу нақшлар Жонбос қалъа макони идишлари безагига ўхшайди. Қ.-7да Калтаминор маданиятига хос турар жой қолдиғи топилган. Турар жойларнинг майд. 40—50 м;. асосан, қамиш ва еғочдан, қисман лойдан қилинган бўлиб, қурилишда устунлардан ҳам фойдаланилган. Қазишлар натижасида уйлардан ўчоқ ва кул қолдиқлари, сопол идишларнинг синиқлари, суяк ва чақмоқтош буюмлари топилган. Сопол буюмларнинг сирти бўртма шаклда безатилган. 3 мингга яқин чақмоқтош қуроллар топилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.