Qudrat Hikmat
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 344-b. — ziyouz.com
Qudrat Hikmat (1925 - Toşkent — 1968.10.4) — bolalar şoiri. Toşkent Pedagogika in-ti keçki bölimini tugatgan (1957). Respublika gaz.larida adabiy xodim (1950—53), Badiiy adabiyot va san'at naşriyotida bölim mudiri (1960—68). Dastlabki şe'riy töplami — «Mening Vatanim» (1950). «Baxtli bolalar» (1951), «Obodlik» (1953), «Döstlik» (1954). «Uç örtoqning sovgasi» (1957), «Nevara mehri», «Çirçiq farzandi» (1961), «Alişer va kitob» (1962), «Ilonşoh va uning amaldori ari haqida ertak» (1963), «Soatjonning soati» (1964), «Toşbaqalar hujumi» (1965), «Şamol botir» (1966), «Daydi bola», «Öğlim bilan suhbat» (1970), «Olmos mening yuragim» (1983), «Mening yuragim» (1986) va b. töplamlarga kirgan şe'r, ertak va dostonlari Onavatan madhi, tabiat va fasllar tasviri, bolalar hayoti hamda ta'lim-tarbiya muammolariga bağişlangan.
Q.H.ning vatan madhidagi «Mening Vatanim», tabiat va fasllar tasviridagi «Bu qaysi fasl?», «Toğ manzarasi», «Ertalab», Yangi yil ta'rifidagi «Yaşa, Yangi yil», «Biz ekkan arça», xalq oğzaki ijodidagi öyin qöşiqlari asosida yaratgan «Oq terakmi, kök terak?», «Çillak öyini» singari şe'rlari ifodasining soddaligi, serböyoq va yorqin manzaralar yaratilganligi bilan ajralib turadi. Q.H. tuğma bolalar şoiri sifatida özbek bolalar şe'riyatiga yangi badiiy tovlanişlarni olib kirgan, uning vazn, band, qofiya tizimini bolalar ruhiyatidan kelib çiqqan holda isloh etgan. V.Mayakovskiy, S.Marşak, S.Mixalkov, A.Surkov, M.Bajan, A.Barto va b.ning bolalarga atalgan şe'rlarini özbek tiliga tarjima qilgan.
Ad.: Qöşjonov M., Quddus Muhammadiy va Qudrat Hikmat, T., 1969; Qöşjonov M., Qudrat Hikmat, T., 1978.
Rahmatulla Barakayev.
Asl matn (kirill, PDF'dagidek)
ҚУДРАТ ҲИКМАТ (1925 - Тошкент — 1968.10.4) — болалар шоири. Тошкент Педагогика ин-ти кечки бўлимини тугатган (1957). Республика газ.ларида адабий ходим (1950—53), Бадиий адабиёт ва санъат нашриётида бўлим мудири (1960—68). Дастлабки шеърий тўплами — «Менинг Ватаним» (1950). «Бахтли болалар» (1951), «Ободлик» (1953), «Дўстлик» (1954). «Уч ўртоқнинг совгаси» (1957), «Невара меҳри», «Чирчиқ фарзанди» (1961), «Алишер ва китоб» (1962), «Илоншоҳ ва унинг амалдори ари ҳақида эртак» (1963), «Соатжоннинг соати» (1964), «Тошбақалар ҳужуми» (1965), «Шамол ботир» (1966), «Дайди бола», «Ўғлим билан суҳбат» (1970), «Олмос менинг юрагим» (1983), «Менинг юрагим» (1986) ва б. тўпламларга кирган шеър, эртак ва достонлари Онаватан мадҳи, табиат ва фасллар тасвири, болалар ҳаёти ҳамда таълим-тарбия муаммоларига бағишланган.
Қ.Ҳ.нинг ватан мадҳидаги «Менинг Ватаним», табиат ва фасллар тасвиридаги «Бу қайси фасл?», «Тоғ манзараси», «Эрталаб», Янги йил таърифидаги «Яша, Янги йил», «Биз эккан арча», халқ оғзаки ижодидаги ўйин қўшиқлари асосида яратган «Оқ теракми, кўк терак?», «Чиллак ўйини» сингари шеърлари ифодасининг соддалиги, сербўёқ ва ёрқин манзаралар яратилганлиги билан ажралиб туради. Қ.Ҳ. туғма болалар шоири сифатида ўзбек болалар шеъриятига янги бадиий товланишларни олиб кирган, унинг вазн, банд, қофия тизимини болалар руҳиятидан келиб чиққан ҳолда ислоҳ этган. В.Маяковский, С.Маршак, С.Михалков, А.Сурков, М.Бажан, А.Барто ва б.нинг болаларга аталган шеърларини ўзбек тилига таржима қилган.
Ад.: Қўшжонов М., Қуддус Муҳаммадий ва Қудрат Ҳикмат, Т., 1969; Қўшжонов М., Қудрат Ҳикмат, Т., 1978.
Раҳматулла Баракаев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.