Asosiy mazmunga ötiş
Qidiriş…Ctrl K

    Şrift ölçami

    Rafael Georg Kizevetter

    Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 340–341-b. — ziyouz.com

    Kizevetter Rafael Georg (1773.29.8, hoz. Tole'şov, Çexiya — 1850.1.1, Vena yaqinidagi Baden şahri) — avstriyalik musikaşunos. Antik musiqa nazariyasi, Örta asr Yevropa mamlakatlari (ayniqsa, Niderland) musika tarixiga oid tadqiqotlar olib borgan. Bolaligidan musiqaga oid risola va qölyozmalar töplab, Yevropada Şarq mu-siqasi haqida ilk ma'lumotlar beruvçi «Die Musik der Araber» («Arab musiqasi») nomli asari 1842 y.da Leypsigda naşr etilgan. Şarq musiqasini şarhlaşda Kindiy, Ibn Sino, Safiuddin Urmaviy kabi olimlarning musiqaga doyr asarlaridan unumli foydalangan. Tadqiq doirasi va uslubi b-n qator musiqaşunoslar, xususan, A. Ambros (1836—74)ga ijobiy ta'sir körsatgan. 1821—43 y.lari Venadagi Musika döstlari jamiyati vitse-prezidenti sifatida Şarq, ayniqsa, arab mamlakatlari musiqasini tarğib etgan. Niderland akademiyasi mukofoti sovrindori (1826).

    Asl matn (kirill, PDF'dagidek)

    КИЗЕВЕТТЕР Рафаэль Георг (1773.29.8, ҳоз. Толеъшов, Чехия — 1850.1.1, Вена яқинидаги Баден шаҳри) — австриялик мусикашунос. Антик мусиқа назарияси, Ўрта аср Европа мамлакатлари (айниқса, Нидерланд) мусика тарихига оид тадқиқотлар олиб борган. Болалигидан мусиқага оид рисола ва қўлёзмалар тўплаб, Европада Шарқ му-сиқаси ҳақида илк маълумотлар берувчи «Die Musik der Araber» («Араб мусиқаси») номли асари 1842 й.да Лейпцигда нашр этилган. Шарқ мусиқасини шарҳлашда Киндий, Ибн Сино, Сафиуддин Урмавий каби олимларнинг мусиқага дойр асарларидан унумли фойдаланган. Тадқиқ доираси ва услуби б-н қатор мусиқашунослар, хусусан, А. Амброс (1836—74)га ижобий таъсир кўрсатган. 1821—43 й.лари Венадаги Мусика дўстлари жамияти вице-президенти сифатида Шарқ, айниқса, араб мамлакатлари мусиқасини тарғиб этган. Нидерланд академияси мукофоти совриндори (1826).

    Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.