«Ravşan»
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 9-b. — ziyouz.com
«Ravşan» — «Göröğli» turkumi dostonlaridan. H. Zarifov Ergaş Jumanbulbul öğlidan yozib olgan (1928). Doston bir neça bor naşr etilgan. Doston Göröğlining nevarasi Ravşanning xosiyatli uzukda Şirvon malikasi Zulxumorning suratini körib, oşiq bölişi va uni izlab safarga otlanişi voqeasidan boşlanadi. Asarda qahramonning ma'şuqaga erişiş yölidagi sarguzaştlari orqali erkin muhabbat, vafo va sadoqat uluğlangan, vatanga mehr, elyurt duşmanlariga şafqatsizlik ğoyalari ilgari surilgan. Dramaturg Komil Yaşin şu doston syujeti asosida «Ravşan va Zulxumor» pyesasini yozgan (1957). Dostonning 1972 y.gi matnini nemis prof. Karl Rayxl nemisçaga tarjima qilgan. Tarjima asar Bonn un-ti «Osiyo tadqiqotçilari» töplamida kitob şaklida töliq naşrdan çiqqan (1985).
Naşri: Ravşan, T., 1970, 1972.
Asl matn (kirill, PDF'dagidek)
«РАВШАН» — «Гўрўғли» туркуми достонларидан. Ҳ. Зарифов Эргаш Жуманбулбул ўғлидан ёзиб олган (1928). Достон бир неча бор нашр этилган. Достон Гўрўғлининг невараси Равшаннинг хосиятли узукда Ширвон маликаси Зулхуморнинг суратини кўриб, ошиқ бўлиши ва уни излаб сафарга отланиши воқеасидан бошланади. Асарда қаҳрамоннинг маъшуқага эришиш йўлидаги саргузаштлари орқали эркин муҳаббат, вафо ва садоқат улуғланган, ватанга меҳр, элюрт душманларига шафқатсизлик ғоялари илгари сурилган. Драматург Комил Яшин шу достон сюжети асосида «Равшан ва Зулхумор» пьесасини ёзган (1957). Достоннинг 1972 й.ги матнини немис проф. Карл Райхл немисчага таржима қилган. Таржима асар Бонн ун-ти «Осиё тадқиқотчилари» тўпламида китоб шаклида тўлиқ нашрдан чиққан (1985).
Нашри: Равшан, Т., 1970, 1972.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.