Razdan
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 48–49-b. — ziyouz.com
Razdan RAZDAN, Zanga — Armanistondagi daryo. Kura havzasidagi Araks daryosining çap irmoği. Uz. 146 km. Havzasining mayd. 2560 km2 (Sevan köli havzasi b-n birga 7310 km2). Sevan kulidan oqib çiqadi. Yuqori qismida toğ vodiysidan, quyi qismida Ararat tekisligidan oqadi. Örtaça suv sarfi boşlanişida 2 m3/sek., quyiliş joyida 17,9 m3/sek. Suvi suğorişda foydalaniladi. Daryoning umumiy nişabi 1097 m (1,8 m/km). R.da 6 ta GES kaskadi qurilgaç, suv sarfi Sevan köli suvi hisobiga 44,5 m3/ sek. gaça ortdi. Lekin köl suvi sathini saqlab qoliş maqsadida suv sarfi keskin kamaytirildi. Daryo sohilida Yerevan, Sevan, Razdan, Çarensavan, Arzni ş.lari joylaşgan.
Asl matn (kirill, PDF'dagidek)
РАЗДАН, Занга — Арманистондаги дарё. Кура ҳавзасидаги Аракс дарёсининг чап ирмоғи. Уз. 146 км. Ҳавзасининг майд. 2560 км2 (Севан кўли ҳавзаси б-н бирга 7310 км2). Севан кулидан оқиб чиқади. Юқори қисмида тоғ водийсидан, қуйи қисмида Арарат текислигидан оқади. Ўртача сув сарфи бошланишида 2 м3/сек., қуйилиш жойида 17,9 м3/сек. Суви суғоришда фойдаланилади. Дарёнинг умумий нишаби 1097 м (1,8 м/км). Р.да 6 та ГЭС каскади қурилгач, сув сарфи Севан кўли суви ҳисобига 44,5 м3/ сек. гача ортди. Лекин кўл суви сатҳини сақлаб қолиш мақсадида сув сарфи кескин камайтирилди. Дарё соҳилида Ереван, Севан, Раздан, Чаренцаван, Арзни ш.лари жойлашган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.