Referat
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 176-b. — ziyouz.com
Referat (lot. refero — axborot beryapman) — biror ilmiy asar, maqola, öqilgan kitob va ş.k. mazmunining qisqaça yozma yoki oğzaki bayoni; örganilgan ilmiy masalaning natijasi haqida axborot; tegişli adabiyot va b. manbalarning qisqartirilgan şarxli tahlilini öz içiga olgan ma'lum mavzudagi ma'ruza. R., odatda, ilmiy axborot vazifasini ötaydi. Unda muayyan mavzu yoritilişi b-n birga, tegişli ilmiy nazariyalar, ilmiy xulosalar taxlil etilişi va tanqid qilinişi mumkin. Özbekistonda R. ilmiy tadqiqot muassasalari, oliy öquv yurtlari, akademik litseylar, kasbhunar kollejlari, umumiy ta'lim maktablarida köp qöllaniladigan didaktik vositadir. Umumiy örta ta'lim maktablari, kasbhunar kollejlari, akademik litseylar öquvçilari hamda oliy öquv yurtlari talabalarining fakultativ maşğulotlardagi maxsus axborotlari ham R. deyiladi. Dissertatsiya yuzasidan tayyorlanadigan R. (avtoreferat) da dissertatsiyaning asosiy mazmuni va xulosalari ifodalanadi.
Rözmon Keldiyorov
Asl matn (kirill, PDF'dagidek)
РЕФЕРАТ (лот. refero — ахборот беряпман) — бирор илмий асар, мақола, ўқилган китоб ва ш.к. мазмунининг қисқача ёзма ёки оғзаки баёни; ўрганилган илмий масаланинг натижаси ҳақида ахборот; тегишли адабиёт ва б. манбаларнинг қисқартирилган шархли таҳлилини ўз ичига олган маълум мавзудаги маъруза. Р., одатда, илмий ахборот вазифасини ўтайди. Унда муайян мавзу ёритилиши б-н бирга, тегишли илмий назариялар, илмий хулосалар тахлил этилиши ва танқид қилиниши мумкин. Ўзбекистонда Р. илмий тадқиқот муассасалари, олий ўқув юртлари, академик лицейлар, касбҳунар коллежлари, умумий таълим мактабларида кўп қўлланиладиган дидактик воситадир. Умумий ўрта таълим мактаблари, касбҳунар коллежлари, академик лицейлар ўқувчилари ҳамда олий ўқув юртлари талабаларининг факультатив машғулотлардаги махсус ахборотлари ҳам Р. дейилади. Диссертация юзасидан тайёрланадиган Р. (автореферат) да диссертациянинг асосий мазмуни ва хулосалари ифодаланади.
Рўзмон Келдиёров
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.