Robert Aleksander Şuman
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 244–245-b. — ziyouz.com
Şuman Robert Aleksander (1810.8.6, Svikkau — 1856.29.7, Endenix, Bonn yaqinida) — nemis kompozitori, 19-asr musiqiy romantizmning namoyandalaridan. F.Vik (fortepiano) va G.Dorn (kompozitsiya)dan ta'lim olgan. Ş. ijodi uçun dasturlilik va inson tuyğularini çuqur psixologik oçib beriş xos. Ş. öz asarlarida hayot oqimini butkul aks ettirişga intilgan, har bir hodisa va taassurotni öziga xosligini ifoda etib, qarama-qarşi kayfiyat va obrazlardan iborat bölgan, keng qamrovli badiiy dunyosini yaratgan. Fortepiano asarlaridan — «Simfonik etyudlar», «Karnaval», «Fantastik pyesalar» kabi turkumlari, şuningdek, «Fantaziya», 3 sonata, konsert va boşqalar ajralib turadi. Vokal lirika tarixida Ş.ning G.Geyne («Şoir sevgisi»), A.Şamisso («Ayol hayoti va sevgisi»), yilEyxendorf («Qöşiqlar davrasi») şe'rlariga yozgan qöşiq (romans) turkumlari muhim ahamiyatga ega. Şuningdek, Ş. «Genoveva» (1848) operasi, J.Bayronning «Manfred» poemasiga musiqa, 4 simfoniya, kamer hamda xor asarlari va boşqalar muallifi. Ş.Leypsigda «Yangi musiqa jurnali»ni taşkil etib (1834), ilğor ğoyalarni oldinga surgan. Ş. Şarq mavzularida kamerçolğu («Arabça», «Şarq manazaralari»), kamervokal («Şarq gullaridan», «MağribMaşriq devonidan») va yirik («Jannat va Peri» oratoriyasi, 1843) asarlarini yaratgan.
Asl matn (kirill, PDF'dagidek)
ШУМАН Роберт Александер (1810.8.6, Цвиккау — 1856.29.7, Эндених, Бонн яқинида) — немис композитори, 19-аср мусиқий романтизмнинг намояндаларидан. Ф.Вик (фортепиано) ва Г.Дорн (композиция)дан таълим олган. Ш. ижоди учун дастурлилик ва инсон туйғуларини чуқур психологик очиб бериш хос. Ш. ўз асарларида ҳаёт оқимини буткул акс эттиришга интилган, ҳар бир ҳодиса ва таассуротни ўзига хослигини ифода этиб, қарама-қарши кайфият ва образлардан иборат бўлган, кенг қамровли бадиий дунёсини яратган. Фортепиано асарларидан — «Симфоник этюдлар», «Карнавал», «Фантастик пьесалар» каби туркумлари, шунингдек, «Фантазия», 3 соната, концерт ва бошқалар ажралиб туради. Вокал лирика тарихида Ш.нинг Г.Гейне («Шоир севгиси»), А.Шамиссо («Аёл ҳаёти ва севгиси»), йилЭйхендорф («Қўшиқлар давраси») шеърларига ёзган қўшиқ (романс) туркумлари муҳим аҳамиятга эга. Шунингдек, Ш. «Геновева» (1848) операси, Ж.Байроннинг «Манфред» поэмасига мусиқа, 4 симфония, камер ҳамда хор асарлари ва бошқалар муаллифи. Ш.Лейпцигда «Янги мусиқа журнали»ни ташкил этиб (1834), илғор ғояларни олдинга сурган. Ш. Шарқ мавзуларида камерчолғу («Арабча», «Шарқ маназаралари»), камервокал («Шарқ гулларидан», «МағрибМашриқ девонидан») ва йирик («Жаннат ва Пери» ораторияси, 1843) асарларини яратган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.