Roğib

Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 276-b. — ziyouz.com

Roğib (taxallusi; asli ism-şarifi Muhammad Rahim Şokir öğli) (1865 — Xorazm viloyati Urganç tumani Qorovul qişloği — 1935) — şoir. Navoiy, Hofiz, Munis, Ogahiy, Komil kabi şoirlar ijodini örgangan, ğazallariga muxammaslar boğlagan. Şe'riyatdagi iste'dodini körgan Feruz uni saroyga taklif qilgan. U yerda Bayoniy, Avaz, Çokar va b. şoirlar b-n tanişgan, ijodiy muloqotda bölgan. Saroydagi muşoiralarda katnaşgan. Feruzning amri b-n şe'rlarini töplab devon tuzgan, «Devoni Roğib» nomida naşr etilgan. Feruz vafot etgaç (1910), saroydan öz qişloğiga qaytib, dehqonçilik b-n şuğullangan. Xorazm inqilobidan söng maorif muassasalarida işlagan.

R. lirik va hajviy şe'rlar yozgan. Lirikasida işq-muhabbat, döstlik, ma'rifatparvarlik ğoyalarini tarğib kilgan, onaVatan tabiati gözalliklarini madh etgan («Tanbur», «Boğ», «Xivaq», «Ölsun» va b.). Özi tuzgan devoni (1899, 1221 ğazal, 33 muxammas, 6 tarje'band, 36 ruboiy, 12 qita va bir neça masnaviy, mustazoddan iborat) hamda turli bayozlarga kirgan şe'rlari yetib kelgan. Devonning qölyozma nusxalari Özbekiston FA Şarkşunoslik in-ti fondida (inv.№6681) va Xiva tarix muzeyi (inv. №2038)da saqlanadi.

Ad.: Asrlar nidosi, T., 1982; Qayumov P. D., Tazkirai Qayyumiy, 2daftar, T., 1998.

Asl matn (kirill, PDF'dagidek)

РОҒИБ (тахаллуси; асли исм-шарифи Муҳаммад Раҳим Шокир ўғли) (1865 — Хоразм вилояти Урганч тумани Қоровул қишлоғи — 1935) — шоир. Навоий, Ҳофиз, Мунис, Огаҳий, Комил каби шоирлар ижодини ўрганган, ғазалларига мухаммаслар боғлаган. Шеъриятдаги истеъдодини кўрган Феруз уни саройга таклиф қилган. У ерда Баёний, Аваз, Чокар ва б. шоирлар б-н танишган, ижодий мулоқотда бўлган. Саройдаги мушоираларда катнашган. Ферузнинг амри б-н шеърларини тўплаб девон тузган, «Девони Роғиб» номида нашр этилган. Феруз вафот этгач (1910), саройдан ўз қишлоғига қайтиб, деҳқончилик б-н шуғулланган. Хоразм инқилобидан сўнг маориф муассасаларида ишлаган.

Р. лирик ва ҳажвий шеърлар ёзган. Лирикасида ишқ-муҳаббат, дўстлик, маърифатпарварлик ғояларини тарғиб килган, онаВатан табиати гўзалликларини мадҳ этган («Танбур», «Боғ», «Хивақ», «Ўлсун» ва б.). Ўзи тузган девони (1899, 1221 ғазал, 33 мухаммас, 6 таржеъбанд, 36 рубоий, 12 қитьа ва бир неча маснавий, мустазоддан иборат) ҳамда турли баёзларга кирган шеърлари етиб келган. Девоннинг қўлёзма нусхалари Ўзбекистон ФА Шаркшунослик ин-ти фондида (инв.№6681) ва Хива тарих музейи (инв. №2038)да сақланади.

Ад.: Асрлар нидоси, Т., 1982; Қаюмов П. Д., Тазкираи Қайюмий, 2дафтар, Т., 1998.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.