Rok
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 229-b. — ziyouz.com
Rok — 1) Şaşmaqom tarkibidagi Buzruk maqomi aşula bölimining ikkinçi guruh şö'balaridan biri. R.ning 5 ta şoxobçasi bulib, ular «Rok», «Mustahzodi Rok», «Qaşqarçai Rok», «Soqiynomai Rok» va «Ufari Rok» deb ataladi. Bular öz tuzilişi jihatidan boşqa 2guruh şö'balaridan farq qiladi. Uning «Rok» qismi murakkab çapandoz usulida, 2 qismi talqin doira usulida, 3 qismi qaşqarça usulining özgargan şaklida, keyingi qismlari soqiynoma va ufar doira usullarida ijro etiladi. R.ning 1 va 2 qismlarida Uzzol namudi avj sifatida qöllanilgan. Rok yengil va şöx yangraydi. R. şö'basi surnayda ham çalinib, «Şodiyona» deb ataluvçi kuylar turkumining bir qismini taşkil etadi; 2) uyğur muqomlaridan biri. Uning ohanglari Şaşmaqomdagi R.dan butunlay farq qiladi.
Asl matn (kirill, PDF'dagidek)
РОК — 1) Шашмақом таркибидаги Бузрук мақоми ашула бўлимининг иккинчи гуруҳ шўъбаларидан бири. Р.нинг 5 та шохобчаси булиб, улар «Рок», «Мустаҳзоди Рок», «Қашқарчаи Рок», «Соқийномаи Рок» ва «Уфари Рок» деб аталади. Булар ўз тузилиши жиҳатидан бошқа 2гуруҳ шўъбаларидан фарқ қилади. Унинг «Рок» қисми мураккаб чапандоз усулида, 2 қисми талқин доира усулида, 3 қисми қашқарча усулининг ўзгарган шаклида, кейинги қисмлари соқийнома ва уфар доира усулларида ижро этилади. Р.нинг 1 ва 2 қисмларида Уззол намуди авж сифатида қўлланилган. Рок енгил ва шўх янграйди. Р. шўъбаси сурнайда ҳам чалиниб, «Шодиёна» деб аталувчи куйлар туркумининг бир қисмини ташкил этади; 2) уйғур муқомларидан бири. Унинг оҳанглари Шашмақомдаги Р.дан бутунлай фарқ қилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.