Roqim
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 276-b. — ziyouz.com
Roqim (taxallusi; ismi noma'lum, 1742 — Xorazm — 1814/15) — şoir, xattot. Ijodda Navoiy va Fuzuliyga ergaşgan. Özbek va fors tillarida, mumtoz badiiyatning deyarli hamma janrlarida ijod qilgan. An'anaviy işkiy lirikasi va ijtimoiy masalalarga oid şe'rlari ijodida muhim örin tutadi. Ularda davr kiyinçiliklari, jabrzulmdan şikoyat an'anaviy işqiy kayfiyatlar orqali ifodalangan, yor madhi turmuşning ijtimoiy talkini b-n boğlangan, işqiy norozilik esa ijtimoiy adolatsizlikdan şikoyat ma'nosini aks etgan. R.ning bizgaça 1 devoni (6470 misra) va devonga kirmagan 30 muxammas, 6 ğazali yetib kelgan. Köplab muxammaslari Navoiy, Fuzuliy, Munis, Bedil, Ravnaq va b. ning ğazallariga boğlangan. R. Xorazm adabiy muhitida marsiyaçilikka asos solgan. Marsiyalaridagi hasratlar real insoniy keçinmalarga asoslangan, an'anaviy obraz va ifodadan qoçib, yangi, hayotiy obrazlar yaratgan. R. nomalar ham yozgan, Munis devoni va b.ni husnixatda köçirgan. Devoni qölyozmasi Özbekiston FA Şarkşunoslik in-ti fondida saqlanadi (inv. №7576).
As: Tanlangan asarlar, T., 1965.
Ad.: Özbek adabiyoti tarixi [5 j.li], 3j., T., 1978.
Asl matn (kirill, PDF'dagidek)
РОҚИМ (тахаллуси; исми номаълум, 1742 — Хоразм — 1814/15) — шоир, хаттот. Ижодда Навоий ва Фузулийга эргашган. Ўзбек ва форс тилларида, мумтоз бадииятнинг деярли ҳамма жанрларида ижод қилган. Анъанавий ишкий лирикаси ва ижтимоий масалаларга оид шеърлари ижодида муҳим ўрин тутади. Уларда давр кийинчиликлари, жабрзулмдан шикоят анъанавий ишқий кайфиятлар орқали ифодаланган, ёр мадҳи турмушнинг ижтимоий талкини б-н боғланган, ишқий норозилик эса ижтимоий адолатсизликдан шикоят маъносини акс этган. Р.нинг бизгача 1 девони (6470 мисра) ва девонга кирмаган 30 мухаммас, 6 ғазали етиб келган. Кўплаб мухаммаслари Навоий, Фузулий, Мунис, Бедил, Равнақ ва б. нинг ғазалларига боғланган. Р. Хоразм адабий муҳитида марсиячиликка асос солган. Марсияларидаги ҳасратлар реал инсоний кечинмаларга асосланган, анъанавий образ ва ифодадан қочиб, янги, ҳаётий образлар яратган. Р. номалар ҳам ёзган, Мунис девони ва б.ни ҳуснихатда кўчирган. Девони қўлёзмаси Ўзбекистон ФА Шаркшунослик ин-ти фондида сақланади (инв. №7576).
Ас: Танланган асарлар, Т., 1965.
Ад.: Ўзбек адабиёти тарихи [5 ж.ли], 3ж., Т., 1978.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.