Rözmat Jumaniyozov
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 211-b. — ziyouz.com
Jumaniyozov Rözmat (1933.12.20 - Örganç tumani — 2001.5.12) — xonanda, Özbekiston xalq hofizi (1992). Xorazm maqom, suvora va b. mumtoz aşula yöllari ijroçisi. Hojixon va Nurmuhammad Boltayevlarning şogirdi. Yirik aşula va suvora yöllarini X. Otajonov, Q. Hojiyevlardan örgandi. Xorazm viloyati teatrida aktyor, yakkaxop aşulaçi sifatida bir neça obrazlar yaratgan. Urganç şahar madaniyat uyida maqomçilar ansambli (1966—81), Örganç tumani «Dilnavoz» ansambli (1981—88), Xorazm viloyati televideniye va radiosi qoşidagi «Maqom» ansambli (1988 y.dan) rahbari. Kuçli va keng hajmdagi ovoz sohibi. Eski an'analarga köra dutor jörligida hamda torni tanbur uslubida çalib aytişga odatlangan. Ovoz imkoniyatlaridan foydalanib yirik avjlarda ikki-uç jumlani bir nafasda aytiş, usul va kuy qoçirimlarini mohirona öynatiş J. uslubiga xosdir. «Rost», «Buzruk», «Navo» Xorazm maqomlari J. rahbarligida Respublika radio va televideniyesida yozib olingan (1989—90).
Asl matn (kirill, PDF'dagidek)
ЖУМАНИЁЗОВ Рўзмат (1933.12.20 - Ўрганч тумани — 2001.5.12) — хонанда, Ўзбекистон халқ ҳофизи (1992). Хоразм мақом, сувора ва б. мумтоз ашула йўллари ижрочиси. Ҳожихон ва Нурмуҳаммад Болтаевларнинг шогирди. Йирик ашула ва сувора йўлларини X. Отажонов, Қ. Ҳожиевлардан ўрганди. Хоразм вилояти театридa актёр, яккахоп ашулачи сифатида бир неча образлар яратган. Урганч шаҳар маданият уйида мақoмчилар ансамбли (1966—81), Ўрганч тумани «Дилнавоз» ансамбли (1981—88), Хоразм вилояти телевидение ва радиоси қошидаги «Мақом» ансамбли (1988 й.дан) раҳбари. Кучли ва кенг ҳажмдаги овоз соҳиби. Эски анъаналарга кўра дутор жўрлигида ҳамда торни танбур услубида чалиб айтишга одатланган. Овоз имкониятларидан фойдаланиб йирик авжларда икки-уч жумлани бир нафасда айтиш, усул ва куй қочиримларини моҳирона ўйнатиш Ж. услубига хосдир. «Рост», «Бузрук», «Наво» Хоразм мақoмлари Ж. раҳбарлигида Республика радио ва телевидениесида ёзиб олинган (1989—90).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.