Rubl
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 282-b. — ziyouz.com
Rubl — Rossiya Federatsiyasi pul birligi. 1992 y.dan muomalaga kiritilgan. IP. = 100 kopeyka. Xalqaro ifodasi RUR. Xalqaro valyutalar kursi böyiça 1 AQŞ dollari = 34,04 R. (2004, 20 yanv.).
R. 1917 y.dagi Oktyabr töntarişiga qadar Rossiya imperiyasi, 1919—91 y.larda sobiq SSSR (şu jumladan, 1924—91 y.larda Özbekiston)da amalda bölgan. «R.» atamasi 13-a.da Novgorodsa grivna [uz. 20 sm, oğirligi 200 g ga yaqin bölgan kumuş quymasining kesilgan (rusça «rublenniy»)] yarim bölagi nomi tarzida paydo böldi. 1704 y. dan boşlab muntazam holda vazni 28 g bölgan kumuş R.lar zarb qilina boşlandi, şuningdek, mis va oltin R.lar ham zarb qilinişi davom etdi. 1843 y.dan esa R. davlat xazinasining qoğoz biletlari körinişida çiqarila boşlandi. 1897 y.ga kelib oltin R. asosiy pul birligiga aylandi va 1914 y.gaça muomalada böldi.
Dastlabki Sovet R. 1919 y.da kredit bileti sifatida çiqarilgan. Sobiq Ittifoq davrida R. banknotlari butun mamlakat miqyosida yagona pul birligi sifatida töliq amal qilgan. Öşa davrda R. Özbekiston Respublikasining ham rasmiy pul birligi bölgan va uning hududida «söm» deb nomlangan. SSSR mustaqil davlatlarga bölinib ketganidan söng R. Rossiya Federatsiyasining milliy valyutasi sifatida saqlanib qrldi. 2) Belorussiya Respublikasi pul birligi. 1992 y.da muomalaga kiritilgan. IP. = 100 kopeyka. Xalqaro ifodasi — BYR. Xalqaro valyutalar kursi böyiça 1 AQŞ dollari = 2042 R. (2003, may).
Aşur Qodirov.
Asl matn (kirill, PDF'dagidek)
РУБЛЬ — Россия Федерацияси пул бирлиги. 1992 й.дан муомалага киритилган. IP. = 100 копейка. Халқаро ифодаси RUR. Халқаро валюталар курси бўйича 1 АҚШ доллари = 34,04 Р. (2004, 20 янв.).
Р. 1917 й.даги Октябрь тўнтаришига қадар Россия империяси, 1919—91 й.ларда собиқ СССР (шу жумладан, 1924—91 й.ларда Ўзбекистон)да амалда бўлган. «Р.» атамаси 13-а.да Новгородца гривна [уз. 20 см, оғирлиги 200 г га яқин бўлган кумуш қуймасининг кесилган (русча «рубленный»)] ярим бўлаги номи тарзида пайдо бўлди. 1704 й. дан бошлаб мунтазам ҳолда вазни 28 г бўлган кумуш Р.лар зарб қилина бошланди, шунингдек, мис ва олтин Р.лар ҳам зарб қилиниши давом этди. 1843 й.дан эса Р. давлат хазинасининг қоғоз билетлари кўринишида чиқарила бошланди. 1897 й.га келиб олтин Р. асосий пул бирлигига айланди ва 1914 й.гача муомалада бўлди.
Дастлабки Совет Р. 1919 й.да кредит билети сифатида чиқарилган. Собиқ Иттифоқ даврида Р. банкнотлари бутун мамлакат миқёсида ягона пул бирлиги сифатида тўлиқ амал қилган. Ўша даврда Р. Ўзбекистон Республикасининг ҳам расмий пул бирлиги бўлган ва унинг ҳудудида «сўм» деб номланган. СССР мустақил давлатларга бўлиниб кетганидан сўнг Р. Россия Федерациясининг миллий валютаси сифатида сақланиб қрлди. 2) Белоруссия Республикаси пул бирлиги. 1992 й.да муомалага киритилган. IP. = 100 копейка. Халқаро ифодаси — BYR. Халқаро валюталар курси бўйича 1 АҚШ доллари = 2042 Р. (2003, май).
Ашур Қодиров.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.