Said otaliq madrasasi
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 31-b. — ziyouz.com
Said otaliq madrasasi — Surxondaryo viloyati Denov ş.dagi me'moriy yodgorlik (16-a.). Xoja Alouddin Attorga atab qurilgan. Aytişlariça, bu zot Bahouddin Naqşbandning kuyovlari bölib, u kişining ikki xalifalaridan biri. Bu kişi dafn qilingan qabrlari hozir «Şayx Attori Valiy» yoki «Ostona buva» deyiladi. Madrasa u kişining öğillari va nevaralari tomonidan 26 y. davomida qurilgan. Qurilişda usta Ahmad Mamat Buxoriy boşqoş bölgan. Poydevorining çuq. 5,5 m. Madrasa şim,jan.ga tomon çözilgan tögri törtburçak tarhli (46x64 m), burçaklariga guldastalar işlangan. Peştoğining 2 yon tomonida 2 qavatli 3 ravoqli peşayvoni bor. Peştoq orqali kiraverişda miyonsaroy (bir neça bölimdan iborat), uning 2 yonida çortoq tarxli masjid va darsxona bor. Miyonsaroy gumbazi qalqonsimon qanoslarga, masjid va darsxona gumbazlari toqilarga tayangan. Hovli (40x29,5 m) atrofida oldi çuqur ravokli, 2 qavatli hujralar joylaşgan. Pastki qavatdagi hujralar hajmi 4,75x2,75 m va yuqorisidagi hujralar hajmi 2,75x2,25 m, tomi balxi gumbazli. Peştoği va içki xonalarida miyonsaroy ravoqlarida gançkori bezaklar va içki börtma qobirğasimon, muqarnas naqşlar saqlangan. Hujra derazalariga gançdan panjaralar işlangan. 1956—60 va 1972—73 y.larda ilmiy örganilib, loyiha asosida ta'mirlanmoqda.
Ad.: Arşavskaya Z.A., Rtveladze E.V.,Xakimov Z.A., Srednevekoviye pamyatniki Surxandari, T., 1982.
Asl matn (kirill, PDF'dagidek)
САИД ОТАЛИҚ МАДРАСАСИ — Сурхондарё вилояти Денов ш.даги меъморий ёдгорлик (16-а.). Хожа Алоуддин Атторга атаб қурилган. Айтишларича, бу зот Баҳоуддин Нақшбанднинг куёвлари бўлиб, у кишининг икки халифаларидан бири. Бу киши дафн қилинган қабрлари ҳозир «Шайх Аттори Валий» ёки «Остона бува» дейилади. Мадраса у кишининг ўғиллари ва неваралари томонидан 26 й. давомида қурилган. Қурилишда уста Аҳмад Мамат Бухорий бошқош бўлган. Пойдеворининг чуқ. 5,5 м. Мадраса шим,жан.га томон чўзилган тўгри тўртбурчак тарҳли (46x64 м), бурчакларига гулдасталар ишланган. Пештоғининг 2 ён томонида 2 қаватли 3 равоқли пешайвони бор. Пештоқ орқали кираверишда миёнсарой (бир неча бўлимдан иборат), унинг 2 ёнида чортоқ тархли масжид ва дарсхона бор. Миёнсарой гумбази қалқонсимон қаносларга, масжид ва дарсхона гумбазлари тоқиларга таянган. Ҳовли (40x29,5 м) атрофида олди чуқур равокли, 2 қаватли ҳужралар жойлашган. Пастки қаватдаги ҳужралар ҳажми 4,75x2,75 м ва юқорисидаги ҳужралар ҳажми 2,75x2,25 м, томи балхи гумбазли. Пештоғи ва ички хоналарида миёнсарой равоқларида ганчкори безаклар ва ички бўртма қобирғасимон, муқарнас нақшлар сақланган. Ҳужра деразаларига ганчдан панжаралар ишланган. 1956—60 ва 1972—73 й.ларда илмий ўрганилиб, лойиҳа асосида таъмирланмоқда.
Ад.: Аршавская З.А., Ртвеладзе Э.В.,Хакимов З.А., Средневековые памятники Сурхандарьи, Т., 1982.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.