Salimaxon Şoyusupovna Xöjayeva
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 297-b. — ziyouz.com
Xöjayeva Salimaxon Şoyusupovna (1916.1.1 — Toşkent — 2004.9.6) — opera xonandasi (lirikdramatik soprano), Özbekiston xalq artisti (1967). Moskva özbek opera studiyasi (1941) va Toşkent konservatoriyasi (1945)ni tugatgan. Navoiy teatrida yakkaxon xonanda (1941— 67). Katta Farğona kanali qurilişida (1939), 2-jahon uruşi davrida harbiy qismlarda madaniy xizmat körsatgan. Toşkent konservatoriyasi (1961—72), Toşkent teatr va rassomlik san'ati inti (1972—84)da pedagog.
X.ning yoqimli, jozibador ovozi, nurli çehrasi, yuqori vokal va aktyorlik maxrrati özbek va çet el mumtoz operalarida ijro etgan asosiy partiyalarda namoyon bölgan: Layli («Layli va Majnun»), Zuhra («Tohir va Zuhra»), Şirin («Farhod va Şirin»), Tana («Er Tarğin», B. Brusilovskiy), Nigor («Kör öğli», U. Hojibekov), Tatyana, Liza, Iolanta (P. Çaykovskiy, «Yevgeniy Onegin», «Iolanta»), Karmen (J. Vize, «Karmen»), Lyubaşa (N. Rimskiy-Korsakov, «Şoh qayliği») va b. Konsert repertuaridan özbek xalq qöşiqlari («Qoşlari qalamlar» va b.), çet el kompozitorlari (Gendel, Motsart, Şubert, Glinka, Çaykovskiy va b.) asarlari keng örin olgan. Şu bilan birga X. özbek bastakor va kompozitorlarining qöşiq va romanslarining ilk ijroçisi sifatida ham tanildi: T. Sodiqovning «Bahor», M. Burhonovning «Tabassum qilmading», «Işqida» va b., A. Muhammedovning «Alla», Ham. Rahimovning «Sevimli yor» va b.
Asl matn (kirill, PDF'dagidek)
ХЎЖАЕВА Салимахон Шоюсуповна (1916.1.1 — Тошкент — 2004.9.6) — опера хонандаси (лирикдраматик сопрано), Ўзбекистон халқ артисти (1967). Москва ўзбек опера студияси (1941) ва Тошкент консерваторияси (1945)ни тугатган. Навоий театрида яккахон хонанда (1941— 67). Катта Фарғона канали қурилишида (1939), 2-жаҳон уруши даврида ҳарбий қисмларда маданий хизмат кўрсатган. Тошкент консерваторияси (1961—72), Тошкент театр ва рассомлик санъати инти (1972—84)да педагог.
Х.нинг ёқимли, жозибадор овози, нурли чеҳраси, юқори вокал ва актёрлик махррати ўзбек ва чет эл мумтоз операларида ижро этган асосий партияларда намоён бўлган: Лайли («Лайли ва Мажнун»), Зуҳра («Тоҳир ва Зуҳра»), Ширин («Фарҳод ва Ширин»), Тана («Эр Тарғин», Б. Брусиловский), Нигор («Кўр ўғли», У. Ҳожибеков), Татьяна, Лиза, Иоланта (П. Чайковский, «Евгений Онегин», «Иоланта»), Кармен (Ж. Визе, «Кармен»), Любаша (Н. Римский-Корсаков, «Шоҳ қайлиғи») ва б. Концерт репертуаридан ўзбек халқ қўшиқлари («Қошлари қаламлар» ва б.), чет эл композиторлари (Гендель, Моцарт, Шуберт, Глинка, Чайковский ва б.) асарлари кенг ўрин олган. Шу билан бирга X. ўзбек бастакор ва композиторларининг қўшиқ ва романсларининг илк ижрочиси сифатида ҳам танилди: Т. Содиқовнинг «Баҳор», М. Бурҳоновнинг «Табассум қилмадинг», «Ишқида» ва б., А. Муҳаммедовнинг «Алла», Ҳам. Раҳимовнинг «Севимли ёр» ва б.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.