Samadovlar oilasi
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 92–93-b. — ziyouz.com
Samadovlar oilasi - inson parvarlikning yuksak namunasini körsatgan oila. 2-jahon uruşi davrida turli millatning qarovsiz qolgan bolalarini farzandlikka olib, ta'lim-tarbiya bergan. Oila boşliği Hamid Samadov (1910 y. Kattaqörğon ş.da tuğilgan, 2002 y. vafot etgan) 2-jahon uruşida armiya safida alokaçi, pulemyotçi bölib xizmat qilgan. Stalingrad, Dnepr böylaridagi janglarda iştirok etgan. 1944 fev.da janglardan birida yaralanib, nogiron bölib uyga qaytgan. Uruşdagi jasorati uçun orden va medallar b-n mukofotlangan. H.Samadov uruş tufayli boşpanasiz qolgan yetim bolalarga homiylik qilgan. Hali uylanmagan bölişiga qaramay, u 13 bolani farzandlikka olgan. Bular turli millat bolalaridir: Qöçqor — turkman, Nurmuhammad — tojik, Donat, Ivan, Liza — rus, Jenya — belorus, Kerim — tatar, Arslon, Raşid, Nurali, Karim, Murod — özbek, Sunnat — millati noma'lum. Bolalarni tarbiyalaşda Hamidga uning ota-onasi — usta Samaya buva va Manğit momo kömaklaşgan. U uylangaç (1945), turmuş örtoği Sanobar yetim bolalarni öz bolalaridek parvariş qilgan. 1946 y. So. qarindoşlaridan birida yetim qolgan 3 bolani ham öz bağriga olgan. Sanobar ham 6 farzand körgan. Oilada 22 bola kamol topib, mustaqil hayotga yöl olgan. So. toşkentlik Şomahmudovlar oilasi kabi insonparvarlikning yuksak namunasini körsatgan baynalmilal oila sifatida kadrlanadi.
Ad.: Qodirov S, Odamdan yaxşi nom qolsin, T., 1975.
Asl matn (kirill, PDF'dagidek)
САМАДОВЛАР ОИЛАСИ - инсон парварликнинг юксак намунасини кўрсатган оила. 2-жаҳон уруши даврида турли миллатнинг қаровсиз қолган болаларини фарзандликка олиб, таълим-тарбия берган. Оила бошлиғи Ҳамид Самадов (1910 й. Каттақўрғон ш.да туғилган, 2002 й. вафот этган) 2-жаҳон урушида армия сафида алокачи, пулемётчи бўлиб хизмат қилган. Сталинград, Днепр бўйларидаги жангларда иштирок этган. 1944 фев.да жанглардан бирида яраланиб, ногирон бўлиб уйга қайтган. Урушдаги жасорати учун орден ва медаллар б-н мукофотланган. Ҳ.Самадов уруш туфайли бошпанасиз қолган етим болаларга ҳомийлик қилган. Ҳали уйланмаган бўлишига қарамай, у 13 болани фарзандликка олган. Булар турли миллат болаларидир: Қўчқор — туркман, Нурмуҳаммад — тожик, Донат, Иван, Лиза — рус, Женя — белорус, Керим — татар, Арслон, Рашид, Нурали, Карим, Мурод — ўзбек, Суннат — миллати номаълум. Болаларни тарбиялашда Ҳамидга унинг ота-онаси — уста Самая бува ва Манғит момо кўмаклашган. У уйлангач (1945), турмуш ўртоғи Санобар етим болаларни ўз болаларидек парвариш қилган. 1946 й. Со. қариндошларидан бирида етим қолган 3 болани ҳам ўз бағрига олган. Санобар ҳам 6 фарзанд кўрган. Оилада 22 бола камол топиб, мустақил ҳаётга йўл олган. Со. тошкентлик Шомаҳмудовлар оиласи каби инсонпарварликнинг юксак намунасини кўрсатган байналмилал оила сифатида кадрланади.
Ад.: Қодиров С, Одамдан яхши ном қолсин, Т., 1975.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.