«Samkoçavto» qöşma korxonasi
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 128-b. — ziyouz.com
«Samkoçavto» qöşma korxonasi — avtomobilsozlik sanoati korxonasi. «Özavtosanoat» uyuşmasi tarkibiga kiradi. «Özavtosanoat» va «Koç xolding A.Ş.» (Turkiya) kompaniyasining hamkorligida taşkil etilgan. Örta hajmli avtobuslar va yuk maşinalari işlab çiqarişga ixtisoslaşgan. Özbekiston va Turkiya örtasidagi iqtisodiy munosabatlar asosida qöşma korxonani quriş töğrisida 1995 y.da bitim, 1996 y.da ta'sis hujjatlari imzolandi. Korxona qurilişini moliyalaştirişda Özbekiston Respublikasi (50%), Turkiya tomonidan «KoçAvtoinvest LTD» (40%), «RamDiş tijaret A.Ş.» (5%), «Koç xolding A.Ş.» (5%), kompaniyalari qatnaşgan. 1999 y. mart oyida zdning dastlabki mahsulotlari — şahar içida va şaharlararo yölovçi taşişga möljallangan örta hajmli avtobuslar, işlab çiqarildi. 2000 y.dan 2 t dan 5 t gaça yuk kötaradigan maşinalar i.ç. özlaştirildi. 2002 y. şaxarlararo yölovçi taşuvçi turbodizelli dvigatel örnatilgan avtobuslar va 10 tonna yuk kötaradigan yuk maşinalari işlab çiqarila boşladi. 2002 y.da, şuningdek, öt öçiriş, assenizatsion, evakuator, yoqilği, içimlik suv, çiqindi, non va non mahsulotlari taşuvçi maxsus avtomobillar i.ç. yölga qöyildi. 2003 y.da şahar içida 50 yölovçi taşişga möljallangan avtobus, 20 tonna yuk kötaradigan «Ford» rusumli yuk maşinasi işlab çiqariş boşlandi. Korxonada Yaponiya, Germaniya, Italiya, Angliya va Turkiyada işlab çiqarilgan eng zamonaviy texnologik uskunalar örnatilgan. Korxonada işlab çiqarilayotgan avtomobillar tannarxini kamaytiriş, ularning butlovçi va ehtiyoj qismlarini mahalliy korxonalarda i.ç. çoratadbirlari körilmoqda. Korxonada 2002 y. 414 ta avtomobil işlab çiqarildi. Korxona mahsulotlari Özbekiston içki bozorida sotiladi, şuningdek, Rossiya, Ukraina, Qozoğiston, Afğonistonga eksport qilinadi. Eksport salmoğini oşiriş maqsadlarida şu davlatlarda korxonaning vakolatxonalari oçilgan.
Asl matn (kirill, PDF'dagidek)
«САМКОЧАВТО» ҚЎШМА КОРХОНАСИ — автомобилсозлик саноати корхонаси. «Ўзавтосаноат» уюшмаси таркибига киради. «Ўзавтосаноат» ва «Коч холдинг А.Ш.» (Туркия) компаниясининг ҳамкорлигида ташкил этилган. Ўрта ҳажмли автобуслар ва юк машиналари ишлаб чиқаришга ихтисослашган. Ўзбекистон ва Туркия ўртасидаги иқтисодий муносабатлар асосида қўшма корхонани қуриш тўғрисида 1995 й.да битим, 1996 й.да таъсис ҳужжатлари имзоланди. Корхона қурилишини молиялаштиришда Ўзбекистон Республикаси (50%), Туркия томонидан «КочАвтоинвест ЛТД» (40%), «РамДиш тижарет А.Ш.» (5%), «Коч холдинг А.Ш.» (5%), компаниялари қатнашган. 1999 й. март ойида зднинг дастлабки маҳсулотлари — шаҳар ичида ва шаҳарлараро йўловчи ташишга мўлжалланган ўрта ҳажмли автобуслар, ишлаб чиқарилди. 2000 й.дан 2 т дан 5 т гача юк кўтарадиган машиналар и.ч. ўзлаштирилди. 2002 й. шахарлараро йўловчи ташувчи турбодизелли двигатель ўрнатилган автобуслар ва 10 тонна юк кўтарадиган юк машиналари ишлаб чиқарила бошлади. 2002 й.да, шунингдек, ўт ўчириш, ассенизацион, эвакуатор, ёқилғи, ичимлик сув, чиқинди, нон ва нон маҳсулотлари ташувчи махсус автомобиллар и.ч. йўлга қўйилди. 2003 й.да шаҳар ичида 50 йўловчи ташишга мўлжалланган автобус, 20 тонна юк кўтарадиган «Форд» русумли юк машинаси ишлаб чиқариш бошланди. Корхонада Япония, Германия, Италия, Англия ва Туркияда ишлаб чиқарилган энг замонавий технологик ускуналар ўрнатилган. Корхонада ишлаб чиқарилаётган автомобиллар таннархини камайтириш, уларнинг бутловчи ва эҳтиёж қисмларини маҳаллий корхоналарда и.ч. чоратадбирлари кўрилмоқда. Корхонада 2002 й. 414 та автомобиль ишлаб чиқарилди. Корхона маҳсулотлари Ўзбекистон ички бозорида сотилади, шунингдек, Россия, Украина, Қозоғистон, Афғонистонга экспорт қилинади. Экспорт салмоғини ошириш мақсадларида шу давлатларда корхонанинг ваколатхоналари очилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.