Sandro Bottiçelli
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 571-b. — ziyouz.com
Bottiçelli Sandro BOTTIÇELLI (Botticelli; asli Alessandro di Mariano Filipepi) Sandro (1445 — 1510) — italiyalik rangtasvir ustasi, Italiya Ilk Uyğoniş davri Florensiya rassomligi maktabining yirik vakili; Filippo Lippining şogirdi. Mediçilar xonadoniga yaqin bölgan. B. asarlaridagi nafis va yengil ifodali çiziklarning musiqaviyligi, bir munça sovuq va şaffof tiniq ranglar tizimi, kompozitsiyadagi ritm nafosati va çuqur lirik tuyğularga boy tabiat kurinişlari uning asarlariga B.gagina xos bölgan betakror latofat va ta'sirçanlik baxş etadi. B. ma'jozii va antik mavzulardagi asarlar, jumladan, «Bahor» (1477—78),
«Veneraning tuğilişi» (1483— 84), «Madonna del Manifikat» (1482— 83), «Anorli Madonna» (1487), şuningdek Vatikandagi sikstin kapellasi devoriy rasmlari (1481—82) hamda qator portretlar (mas, «Juliano Mediçi», 1470-y.lar) muallifi. 1490- y.lardan B. asarlarida tuşkunlik kayfiyati kuzatiladi: «Isoga aza tutiş» (1490), «Tuhmat» (1495) va b. U Dantening «Ilohiy komediya»siga birinçi bölib rasm işlagan san'atkorlardan (1492— 97).
B. ijodi köpgina rassomlar ijodiga ta'sir etgan. Jumladan, özbekistonlik rassomlar R. Çoriyev, J. Umarbekov va b. ijodida bu ta'sirni seziş mumkin.
Asl matn (kirill, PDF'dagidek)
БОТТИЧЕЛЛИ (Botticelli; асли Алессандро ди Мариано Филипепи) Сандро (1445 — 1510) — италиялик рангтасвир устаси, Италия Илк Уйғониш даври Флоренция рассомлиги мактабининг йирик вакили; Филиппо Липпининг шогирди. Медичилар хонадонига яқин бўлган. Б. асарларидаги нафис ва енгил ифодали чизикларнинг мусиқавийлиги, бир мунча совуқ ва шаффоф тиниқ ранглар тизими, композициядаги ритм нафосати ва чуқур лирик туйғуларга бой табиат куринишлари унинг асарларига Б.гагина хос бўлган бетакрор латофат ва таъсирчанлик бахш этади. Б. маъжозии ва антик мавзулардаги асарлар, жумладан, «Баҳор» (1477—78),
«Венеранинг туғилиши» (1483— 84), «Мадонна дель Маньификат» (1482— 83), «Анорли Мадонна» (1487), шунингдек Ватикандаги сикстин капелласи деворий расмлари (1481—82) ҳамда қатор портретлар (мас, «Жулиано Медичи», 1470-й.лар) муаллифи. 1490- й.лардан Б. асарларида тушкунлик кайфияти кузатилади: «Исога аза тутиш» (1490), «Туҳмат» (1495) ва б. У Дантенинг «Илоҳий комедия»сига биринчи бўлиб расм ишлаган санъаткорлардан (1492— 97).
Б. ижоди кўпгина рассомлар ижодига таъсир этган. Жумладан, ўзбекистонлик рассомлар Р. Чориев, Ж. Умарбеков ва б. ижодида бу таъсирни сезиш мумкин.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.