«Savdogarbank»
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 16-b. — ziyouz.com
«Savdogarbank» — Özbekistondagi aksiyadorlik tijorat banklaridan biri. 1994 y. 12 mayda savdo va tijoratga kömaklaşuvçi «Savdogar» aksiyadorlik tijorat banki sifatida taşkil etilgan. Boşqaruvi Toşkent ş.da. Bank ta'sisçilari: Özbekiston Respublikasi Moliya vazirligi, «Özbeksavdo», «Özbekbirlaşuv» aksiyadorlik kompaniyalari. Aksiyadorlari 8079 yuridik va jismoniy şaxslardan iborat. «S.» keng tarmoqli universal banklardan biri bölib, Qoraqalpoğiston Respublikasi va barça viloyatlarda, tumanlarda 50 ta bölimi, 24 minibanki işlaydi. Bank respublikadagi turli tarmoq korxonalariga bank xizmatlarini körsatadi. Jumladan, savdo korxonalari b-n xalq xöjaligining barça tarmoklari korxonalari örtasidagi savdokredit operatsiyalari va hisobkitoblarni mablağ b-n ta'minlaş, lizing, faktoring, hujjatli inkasso va hujjatli akkreditivlar, eksportimport bitimlarini rasmiylaştiriş, «bankmijoz» masofadan turib hisobraqamlarga xizmat körsatiş, avtokreditlar beriş kabi xizmatlarni amalga oşiradi. «S.» tomonidan i.ç. mikrofirmalari, savdo va umumiy ovqatlaniş korxonalari, kiçik va örta biznes korxonalari, dehqon va fermer xöjaliklariga hamda yakka tadbirkorlik subyektlarini qöllab-quvvatlaş maqsadida kreditlar ajratişga alohida e'tibor karatiladi. Mijozlar (22815 ta; 2004 y. 1 yanv.) b-n işlaş uslublari un-tazam takomillaştirilib, bank xizmatlarining zamonaviy şakllari amaliyotga joriy etilmoqda. Bank respublika qimmatli qoğozlar bozorida faol qatnaşadi. ABN Amrobank, Özbekiston Respublikasi Taşqi iqtisodiy faoliyat Milliy banki, Germaniyaning «Bank Gezelşaft Berlin» banklari b-n vakillik aloqalari örnatilgan. Bank ustav kapitali 2,5 mlrd. söm, öz kapitali 4,2 mlrd. sum, yillik foyda 1 mlrd. söm, jami aktivlari 44,5 mlrd. söm, tizimda 2 mingdan oşiq xodim işlaydi (2004, 1 yanv.).
Musurmon Nurmamatov.
Asl matn (kirill, PDF'dagidek)
«САВДОГАРБАНК» — Ўзбекистондаги акциядорлик тижорат банкларидан бири. 1994 й. 12 майда савдо ва тижоратга кўмаклашувчи «Савдогар» акциядорлик тижорат банки сифатида ташкил этилган. Бошқаруви Тошкент ш.да. Банк таъсисчилари: Ўзбекистон Республикаси Молия вазирлиги, «Ўзбексавдо», «Ўзбекбирлашув» акциядорлик компаниялари. Акциядорлари 8079 юридик ва жисмоний шахслардан иборат. «С.» кенг тармоқли универсал банклардан бири бўлиб, Қорақалпоғистон Республикаси ва барча вилоятларда, туманларда 50 та бўлими, 24 минибанки ишлайди. Банк республикадаги турли тармоқ корхоналарига банк хизматларини кўрсатади. Жумладан, савдо корхоналари б-н халқ хўжалигининг барча тармоклари корхоналари ўртасидаги савдокредит операциялари ва ҳисобкитобларни маблағ б-н таъминлаш, лизинг, факторинг, ҳужжатли инкассо ва ҳужжатли аккредитивлар, экспортимпорт битимларини расмийлаштириш, «банкмижоз» масофадан туриб ҳисобрақамларга хизмат кўрсатиш, автокредитлар бериш каби хизматларни амалга оширади. «С.» томонидан и.ч. микрофирмалари, савдо ва умумий овқатланиш корхоналари, кичик ва ўрта бизнес корхоналари, деҳқон ва фермер хўжаликларига ҳамда якка тадбиркорлик субъектларини қўллаб-қувватлаш мақсадида кредитлар ажратишга алоҳида эътибор каратилади. Мижозлар (22815 та; 2004 й. 1 янв.) б-н ишлаш услублари ун-тазам такомиллаштирилиб, банк хизматларининг замонавий шакллари амалиётга жорий этилмоқда. Банк республика қимматли қоғозлар бозорида фаол қатнашади. АБН Амробанк, Ўзбекистон Республикаси Ташқи иқтисодий фаолият Миллий банки, Германиянинг «Банк Гезельшафт Берлин» банклари б-н вакиллик алоқалари ўрнатилган. Банк устав капитали 2,5 млрд. сўм, ўз капитали 4,2 млрд. сум, йиллик фойда 1 млрд. сўм, жами активлари 44,5 млрд. сўм, тизимда 2 мингдан ошиқ ходим ишлайди (2004, 1 янв.).
Мусурмон Нурмаматов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.