Sayfi Jalil
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 53-b. — ziyouz.com
Sayfi Jalil (taxallusi; asl ismişarifi Jalilov Jalil) (1932.20.6, Samarqand 2003.11.2, Toşkent) — kompozitor, sozanda, dirijyor. Özbekistonda xizmat körsatgan san'at arbobi (1977). Özbekiston xalq artisti (1988). Toşkent konservatoriyasini tugatgan (1967). Özbekdavlat filarmoniyasi xalq çolğu asboblari orkestri sozandasi va dirijyor (1950—66), «Şodlik» ansambli badiiy rahbari (1970—71), konservatoriyada öqituvçi (1967 y.dan), prof. (1990 y.dan), kafedra mudiri (1992— 98). Ijodini lirik quşik/tr («Kel, ertaroq», «Ona yurtim» va b.), romanslar («Ayt», «Keçalar yulduz sanab» va b.), kamerçolğu va orkestr pyesalar, syuita va kvartetlardan boşlagan. Keyinçalik, simfonik orkestr uçun yaratgan «Toşkent manzaralari» (1966), «Qalam qoşligim» (1967) musiqali komediyasi, «Navoiy Astrobodda» (1967, Yu. Rajabiy b-n) musiqali dramasi va, ayniqsa, tanbur va özbek çolğu asboblari orkestri uçun «Qalbimda» poemasida özbek an'anaviy bastakorlik uslubini yevropaça kompozitorlik ijodiyoti tamoyillari b-n uzviy uyğunlaştirişga erişgan. Skripka va orkestr uçun 2 konsert (1974, 1995), Özbekistonda birinçi violonçel va orkestr uçun konsert (1975), 2 ta simfoniya (1978, 1983), «Zebunniso» (1986) va «Malikai ayyor» (1987) operalari, «Şarq freskalari» (1988) baleti muallifi. «Laqma», «Tölanoy», «Yulduzlar jamoli», «Şayton muridlari», «Kampir ketarmiş» kabi asarlari b-n özbek musiqali komediyasi va dramasi rivojiga katta hissa qöşgan. Hamza nomidagi Özbekiston davlat mukofoti laureati (1979).
Asl matn (kirill, PDF'dagidek)
САЙФИ ЖАЛИЛ (тахаллуси; асл исмишарифи Жалилов Жалил) (1932.20.6, Самарқанд 2003.11.2, Тошкент) — композитор, созанда, дирижёр. Ўзбекистонда хизмат кўрсатган санъат арбоби (1977). Ўзбекистон халқ артисти (1988). Тошкент консерваториясини тугатган (1967). Ўзбекдавлат филармонияси халқ чолғу асбоблари оркестри созандаси ва дирижёр (1950—66), «Шодлик» ансамбли бадиий раҳбари (1970—71), консерваторияда ўқитувчи (1967 й.дан), проф. (1990 й.дан), кафедра мудири (1992— 98). Ижодини лирик қушик/тр («Кел, эртароқ», «Она юртим» ва б.), романслар («Айт», «Кечалар юлдуз санаб» ва б.), камерчолғу ва оркестр пьесалар, сюита ва квартетлардан бошлаган. Кейинчалик, симфоник оркестр учун яратган «Тошкент манзаралари» (1966), «Қалам қошлигим» (1967) мусиқали комедияси, «Навоий Астрободда» (1967, Ю. Ражабий б-н) мусиқали драмаси ва, айниқса, танбур ва ўзбек чолғу асбоблари оркестри учун «Қалбимда» поэмасида ўзбек анъанавий бастакорлик услубини европача композиторлик ижодиёти тамойиллари б-н узвий уйғунлаштиришга эришган. Скрипка ва оркестр учун 2 концерт (1974, 1995), Ўзбекистонда биринчи виолончель ва оркестр учун концерт (1975), 2 та симфония (1978, 1983), «Зебуннисо» (1986) ва «Маликаи айёр» (1987) опералари, «Шарқ фрескалари» (1988) балети муаллифи. «Лақма», «Тўланой», «Юлдузлар жамоли», «Шайтон муридлари», «Кампир кетармиш» каби асарлари б-н ўзбек мусиқали комедияси ва драмаси ривожига катта ҳисса қўшган. Ҳамза номидаги Ўзбекистон давлат мукофоти лауреати (1979).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.