Sayil
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 44-b. — ziyouz.com
Sayil — yilning ma'lum fasllarida ötkaziladigan sayillar, sayrtomoşalar. S.lar odatda Navröz va diniy bayramlar (Röza va Qurbon hayitlari) da va yilning qulay paytlarida taşabbuskor kişilar tomonidan taşkil etilgan. S şaharlarda, registon maydonlarida, çorsu va rastalarda, şahar taşqarisidagi sayilgohlarda, şuningdek, qadamjolarda ötkazilib, bir ikki hafta davom etgan. Sayilgohlarda oşxona, çoyxona, nonvoyxonalar qurilgan, mevaçeva, attorlik, baqqollik dökonlari oçilgan. Poyga, uloq, köpkari, kuraş, çavgon musobaqalari, darvoz, hofiz, sozanda, raqqos, masxaraboz, qiziqçilarning çiqişlari, ayiq, ilon öyinlari, tuya, qöçqor, xöroz, it uriştiriş, muşakbozlik tomoşalari körsatilgan.
Özbekiston mustaqilligidan söng xalq S.lari mazmunan özgarib, köproq milliy tus oldi. Umumxalq bayramlari: Mustaqillik kuni, Öqituvçilar va murabbiylar kuni, Özbekiston Respublikasi Konstitutsiyasi kunlarida S.lar uyuştirilmoqda. Bahorda ötkaziladigan Navröz sayli, sumalak sayli, gul sayli, boyçeçak sayli, çuçmoma sayli, tut sayli, yozning boşida suv sayli, örik sayli, olma sayli, kuz faslida qovun sayli, uzum sayli va boşqa S.lar mavjud.
Ad.: Qoraboye v U., Özbek xalqi bayramlari, T., 2002.
Asl matn (kirill, PDF'dagidek)
САЙИЛ — йилнинг маълум фаслларида ўтказиладиган сайиллар, сайртомошалар. С.лар одатда Наврўз ва диний байрамлар (Рўза ва Қурбон ҳайитлари) да ва йилнинг қулай пайтларида ташаббускор кишилар томонидан ташкил этилган. С шаҳарларда, регистон майдонларида, чорсу ва расталарда, шаҳар ташқарисидаги сайилгоҳларда, шунингдек, қадамжоларда ўтказилиб, бир икки ҳафта давом этган. Сайилгоҳларда ошхона, чойхона, нонвойхоналар қурилган, мевачева, атторлик, баққоллик дўконлари очилган. Пойга, улоқ, кўпкари, кураш, чавгон мусобақалари, дарвоз, ҳофиз, созанда, раққос, масхарабоз, қизиқчиларнинг чиқишлари, айиқ, илон ўйинлари, туя, қўчқор, хўроз, ит уриштириш, мушакбозлик томошалари кўрсатилган.
Ўзбекистон мустақиллигидан сўнг халқ С.лари мазмунан ўзгариб, кўпроқ миллий тус олди. Умумхалқ байрамлари: Мустақиллик куни, Ўқитувчилар ва мураббийлар куни, Ўзбекистон Республикаси Конституцияси кунларида С.лар уюштирилмоқда. Баҳорда ўтказиладиган Наврўз сайли, сумалак сайли, гул сайли, бойчечак сайли, чучмома сайли, тут сайли, ёзнинг бошида сув сайли, ўрик сайли, олма сайли, куз фаслида қовун сайли, узум сайли ва бошқа С.лар мавжуд.
Ад.: Қорабое в У., Ўзбек халқи байрамлари, Т., 2002.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.