Sayyid Baraka
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 45-b. — ziyouz.com
Sayyid Baraka SAYYID BARAKA, Mir Sayyid Baraka (?— 1404) — Amir Temurning piri. Şarafiddin Ali Yazdiyning yozişiça, asli Makka ş.dan bölib, Amir Temur b-n dastlab Termiz ş.da uçraşgan. Makka va Madinaning vaqf (Makka va Madina ş.lari islom olamida muqaddas şaharlar deb atalgani sababli islom davlatlari hukmdorlari har yili bu şaharlarga vaqf mablaği, ya'ni belgilangan miqdordagi mablağni yuborib turişni şarafli burç deb bilganlar) larini undiriş uçun Balxga Amir Husayn huzuriga kelgan. Amir Husayn u talab qilgan mablağni beriş u yoqsa tursin, hatto S.B.ga iltifot ham körsatmaydi. U bunday sovuq munosabatdan xafa bölib Termizga qarab ketadi va Termiz yaqinida Amir Temur b-n uçraşadi. Amir Temur u talab qilgan mablağni ortiği b-n beradi. SB. Amir Temurga noğora b-n bayroq tortiq qiladi. Amir Temur 1370 y. saltanatni qölga olgaç, Andxöy (Afğoniston) viloyatini barça qişloqlari b-n S.B.ga «iqto'» tarzida in'om qiladi. S.B. Sohibqironning Mozandaron, Daşti qipçoq harbiy yurişlarida unga hamroh bölgan, qöşinning ruhini kötargan. S.B. harbiy safarlarga qatnaşmagan paytda Samarqand va Andxöyda yaşagan. 1404 y. qişda S.B. oğir kasallikdan söng vafot etadi. Bu xabarni eşitgan Amir Temur S.B. ning jasadini Andxöyda dafn etişni buyuradi. 1409 y. Şoxrux Mirzo Movarounnahr taxtini Xalil Sultondan tortib olgaç, S.B.ning xokini Andxöydan Samarqandga keltirib, Amir Temur maqbarasiga dafn ettiradi.
Asl matn (kirill, PDF'dagidek)
САЙЙИД БАРАКА, Мир Саййид Барака (?— 1404) — Амир Темурнинг пири. Шарафиддин Али Яздийнинг ёзишича, асли Макка ш.дан бўлиб, Амир Темур б-н дастлаб Термиз ш.да учрашган. Макка ва Мадинанинг вақф (Макка ва Мадина ш.лари ислом оламида муқаддас шаҳарлар деб аталгани сабабли ислом давлатлари ҳукмдорлари ҳар йили бу шаҳарларга вақф маблағи, яъни белгиланган миқдордаги маблағни юбориб туришни шарафли бурч деб билганлар) ларини ундириш учун Балхга Амир Ҳусайн ҳузурига келган. Амир Ҳусайн у талаб қилган маблағни бериш у ёқца турсин, ҳатто С.Б.га илтифот ҳам кўрсатмайди. У бундай совуқ муносабатдан хафа бўлиб Термизга қараб кетади ва Термиз яқинида Амир Темур б-н учрашади. Амир Темур у талаб қилган маблағни ортиғи б-н беради. СБ. Амир Темурга ноғора б-н байроқ тортиқ қилади. Амир Темур 1370 й. салтанатни қўлга олгач, Андхўй (Афғонистон) вилоятини барча қишлоқлари б-н С.Б.га «иқтоъ» тарзида инъом қилади. С.Б. Соҳибқироннинг Мозандарон, Дашти қипчоқ ҳарбий юришларида унга ҳамроҳ бўлган, қўшиннинг руҳини кўтарган. С.Б. ҳарбий сафарларга қатнашмаган пайтда Самарқанд ва Андхўйда яшаган. 1404 й. қишда С.Б. оғир касалликдан сўнг вафот этади. Бу хабарни эшитган Амир Темур С.Б. нинг жасадини Андхўйда дафн этишни буюради. 1409 й. Шохрух Мирзо Мовароуннаҳр тахтини Халил Султондан тортиб олгач, С.Б.нинг хокини Андхўйдан Самарқандга келтириб, Амир Темур мақбарасига дафн эттиради.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.