Sergeli
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 319-b. — ziyouz.com
Sergeli SERGELI, sirğali — özbek va qozoq xalqi tarkibiga kirgan qabilalar uyuşmasi. Katta juz tarkibiga kirgan. S.larningbir kismi Zarafşon vohasi qipçoklari va Jizzax viloyati yuzlarining tarkibiga mayda uruğ sifatida qöşilganlar. Toşkent uyezdining Yettikent, Oqjar, Zangiota, Qöşqörğon, Niyozbek volostlari va Toşkent vohasida S.lar 1074 xonadon (8125 kişi)ni taşkil etgan (1920 y.da ötkazilgan aholi röyxatiga köra). 19-a. va 20-a. boşlarida Qoziqurt, Qarjon, Çimyon toglarining etaklarida, Bodom, Keles, Çirçiq, Oqsoqota daryolari vohalarida yaşagan. S.lar tarkibida 12 qabila (boyjigit, şaldar, botir, jaydaq, qayçili, qorakungirdak, oqkungirdak, qorabotir, tutamğali, eliboy, janaboy, aytbözim) mavjud bölgan. Bu qabilalar, öz navbatida, bir qança mayda uruğlarga bölingan. S.larning öz tamğasi va uroni (suroni) mavjud bölgan. Ular etnogeneziga köra, döglat, uysun qabilalari b-n qardoş hisoblanadi. S.lar, asosan, yarim köçmançi çorvaçilik, qisman dehqonçilik, hunarmandçilik (alaça, şol töqiş, kigiz bosiş) b-n şuğullangan. S.larning avlodlari Toşkent viloyatining Yangiyöl, Yuqori Çirçiq tumanlarida va Çimkent viloyatida yaşab kelmoqda. Ayrim tumanlar toponimida S.lar tarkibidagi uruğ nomlari saqlanib qolgan. Toşkent ş.dagi tumanlardan biri S. deb ataladi.
Ad.: Şoniyozov K. Ş., Özbek xalqining şakllaniş jarayoni, T., 2001.
Asl matn (kirill, PDF'dagidek)
СЕРГЕЛИ, сирғали — ўзбек ва қозоқ халқи таркибига кирган қабилалар уюшмаси. Катта жуз таркибига кирган. С.ларнингбир кисми Зарафшон воҳаси қипчоклари ва Жиззах вилояти юзларининг таркибига майда уруғ сифатида қўшилганлар. Тошкент уездининг Еттикент, Оқжар, Зангиота, Қўшқўрғон, Ниёзбек волостлари ва Тошкент воҳасида С.лар 1074 хонадон (8125 киши)ни ташкил этган (1920 й.да ўтказилган аҳоли рўйхатига кўра). 19-а. ва 20-а. бошларида Қозиқурт, Қаржон, Чимён тогларининг этакларида, Бодом, Келес, Чирчиқ, Оқсоқота дарёлари воҳаларида яшаган. С.лар таркибида 12 қабила (бойжигит, шалдар, ботир, жайдақ, қайчили, қоракунгирдак, оқкунгирдак, қоработир, тутамғали, элибой, жанабой, айтбўзим) мавжуд бўлган. Бу қабилалар, ўз навбатида, бир қанча майда уруғларга бўлинган. С.ларнинг ўз тамғаси ва урони (сурони) мавжуд бўлган. Улар этногенезига кўра, дўглат, уйсун қабилалари б-н қардош ҳисобланади. С.лар, асосан, ярим кўчманчи чорвачилик, қисман деҳқончилик, ҳунармандчилик (алача, шол тўқиш, кигиз босиш) б-н шуғулланган. С.ларнинг авлодлари Тошкент вилоятининг Янгийўл, Юқори Чирчиқ туманларида ва Чимкент вилоятида яшаб келмоқда. Айрим туманлар топонимида С.лар таркибидаги уруғ номлари сақланиб қолган. Тошкент ш.даги туманлардан бири С. деб аталади.
Ад.: Шониёзов К. Ш., Ўзбек халқининг шаклланиш жараёни, Т., 2001.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.