Seyfert
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 274-b. — ziyouz.com
Seyfert (Seifert) Yaroslav (1901.23.9, Praga yaqinidagi Jijkov ş. — 1986.10.1) çex şoiri. 1920 y. «Töqqizlar guruhi» nomli avangardizm kayfiyatidagi adabiy tögarak oçgan. «Poetizm» uslubi S.ning dastlabki kitoblarida seziladi («Közlari yoşli şahar», 1921; «Muhabbatning özi», 1923; «Asal oyi», 1925; «Bulbul yomon kuylayapti», 1926). Keyinçalik uning asarlari mavzusi özgarib, proletar şe'riyatidan çekingan. 1929 y.da kompartiyadan çiqqan, manifest yozib, unda kompartiyaning senzura siyosatini qoralagan, siyosiy naşriyotlar b-n hamkorlikni töxtatgan va sotsialdemokratik partiyaga kirgan. Şundan söng siyosatdan taşqaridagi mavzular: umuminsoniy qadriyatlar, muhabbat, bolalik va b. haqida ijod qilgan. 1977 y. yana siyosiy jarayonlarga aralaşib, senzurani yöqotiş, yozuvçilarning e'tiqod uçun ta'qib qilinişi, şuningdek, ularni noqonuniy ravişda qamokxonalarga taşlaşni qoralab çiqqan. 1980—83 y.lar S.ning asarlari, asosan, ingliz tiliga tarjima qilinib, Angliya va AQŞda tarqatilgan. «Bojena Nemsova yelpiğiçi» (1940), «Loyning dubulğasi» (1945) va b. töplamlari Praga qözğoloni, Çexoslovakiyaning faşistlar istilosidan ozod qilinişiga bağişlangan. Uruşdan keyingi asarlari — «Motsart Pragada» (1946), «Onajon» (1954), «Bola va yulduzlar» (1956), «Qönğiroklar yasaş» (1967) va b. Nobel mukofoti laureati (1984).
Asl matn (kirill, PDF'dagidek)
СЕЙФЕРТ (Seifert) Ярослав (1901.23.9, Прага яқинидаги Жижков ш. — 1986.10.1) чех шоири. 1920 й. «Тўққизлар гуруҳи» номли авангардизм кайфиятидаги адабий тўгарак очган. «Поэтизм» услуби С.нинг дастлабки китобларида сезилади («Кўзлари ёшли шаҳар», 1921; «Муҳаббатнинг ўзи», 1923; «Асал ойи», 1925; «Булбул ёмон куйлаяпти», 1926). Кейинчалик унинг асарлари мавзуси ўзгариб, пролетар шеъриятидан чекинган. 1929 й.да компартиядан чиққан, манифест ёзиб, унда компартиянинг цензура сиёсатини қоралаган, сиёсий нашриётлар б-н ҳамкорликни тўхтатган ва социалдемократик партияга кирган. Шундан сўнг сиёсатдан ташқаридаги мавзулар: умуминсоний қадриятлар, муҳаббат, болалик ва б. ҳақида ижод қилган. 1977 й. яна сиёсий жараёнларга аралашиб, цензурани йўқотиш, ёзувчиларнинг эътиқод учун таъқиб қилиниши, шунингдек, уларни ноқонуний равишда қамокхоналарга ташлашни қоралаб чиққан. 1980—83 й.лар С.нинг асарлари, асосан, инглиз тилига таржима қилиниб, Англия ва АҚШда тарқатилган. «Божена Немцова елпиғичи» (1940), «Лойнинг дубулғаси» (1945) ва б. тўпламлари Прага қўзғолони, Чехословакиянинг фашистлар истилосидан озод қилинишига бағишланган. Урушдан кейинги асарлари — «Моцарт Прагада» (1946), «Онажон» (1954), «Бола ва юлдузлар» (1956), «Қўнғироклар ясаш» (1967) ва б. Нобель мукофоти лауреати (1984).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.