Seyfert galaktikalari

Seyfert galaktikalari - özagi köpinça yulduzsimon bölib, uning nurlaniş spektri kuçli keng çiziqlardan iborat bölgan galaktikalar; amerikalik olim Seyfert kaşf qilgan. S.g. markaziy qismidagi keng çiziqlarning tezligi, bir neça ming km/s b-n harakatlanuvçi gaz bulutlari b-n boğliq. S.g., asosan, spiralsimon tuzilişga va ultrabinafşa tölqin uzunliklarida orttirma nurlanişga ega. Spiral galaktikalarda 1% S.g. bölib, ularda yorqinlik markaz tomon keskin ortib boradi. Odatda, ular galaktikalar guruhlari va qöşaloq galaktikalarda uçrab, galaktikalar tödalarida esa deyarli kuzatilmaydi.

S.g. özagining ölçamlari, asosan, 0,1 parsek atrofida, nurlanişlari vaqt davomida özgarib turadi. Bu özgaruvçanlik davri nurlanişning tölqin uzunligi qiymatiga boğliq. Özak nurlanişi optik, radio, rentgen va gamma tölqinlarida juda kuçli. Nisbatan olinganida esa, xususan, optik uzunlikdagi uşbö davr radionurlar özgariş davridan ança kiçik.