«Şahidlar xotirasi» yodgorlik majmui
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 81-b. — ziyouz.com
«Şahidlar xotirasi» yodgorlik majmui - Toşkent şahrining Yunusobod tumanidagi Bözsuv kanali böyida (Amir Temur şohköçasi böylab joylaşgan). Majmua barpo etilgan joy 20-asr 20-y.lariga qadar Toşkent şahrining xilvat çekkasi bölgan, 40-y.larda xuddi şu joydagi 3 ta qatlgoxda şörolar tomonidan millatning ilğor vakillari, begunoh vatandoşlar qatl qilingan. Qatağon qurbonlari xotirasiga bağişlab sobiq qatlgoh örnida «Ş.x.» yo.m. Özbekiston Respublikasi Prezidenti I.A.Karimov taşabbusi bilan bunyod etilgan (2000). Maydoni 17 ga dan ortiq muntazam tartibli loyihalangan yamyaşil pastibaland hududni Bözsuv kanali ikkiga ajratgan, ikki qirğoqni kanal ustiga qurilgan köprik (uz. 100 m) birlaştiradi. Majmua markazida tik ustunlarga örnatilgan feruza rang qovurğali gumbazli ayvon (rotonda, bal. 27 m) metall qurilmalardan işlanib gozğon marmari bilan qoplangan, poygumbazi gançkori muqarnaslar bilan ziynatlangan; gumbaz içi ganç öymakorligida işlangan. Gumbaz ostidagi handasiy şakllardan naqşlar hosil qilib bezatilgan marmar polda nefritdan işlangan ramziy sağana atrofga sukunat taratib turadi; sağana şahid ketgan vatandoşlarning ramziy qabridir. Şuningdek, 2002 yilda şu hududda qad kötargan «Qatağon kurbonlari xotirasi» muzeyi majmuaning tarkibiy qismiga kiradi.
Asl matn (kirill, PDF'dagidek)
«ШАҲИДЛАР ХОТИРАСИ» ЁДГОРЛИК МАЖМУИ - Тошкент шаҳрининг Юнусобод туманидаги Бўзсув канали бўйида (Амир Темур шоҳкўчаси бўйлаб жойлашган). Мажмуа барпо этилган жой 20-аср 20-й.ларига қадар Тошкент шаҳрининг хилват чеккаси бўлган, 40-й.ларда худди шу жойдаги 3 та қатлгохда шўролар томонидан миллатнинг илғор вакиллари, бегуноҳ ватандошлар қатл қилинган. Қатағон қурбонлари хотирасига бағишлаб собиқ қатлгоҳ ўрнида «Ш.х.» ё.м. Ўзбекистон Республикаси Президенти И.А.Каримов ташаббуси билан бунёд этилган (2000). Майдони 17 га дан ортиқ мунтазам тартибли лойиҳаланган ямяшил пастибаланд ҳудудни Бўзсув канали иккига ажратган, икки қирғоқни канал устига қурилган кўприк (уз. 100 м) бирлаштиради. Мажмуа марказида тик устунларга ўрнатилган феруза ранг қовурғали гумбазли айвон (ротонда, бал. 27 м) металл қурилмалардан ишланиб гозғон мармари билан қопланган, пойгумбази ганчкори муқарнаслар билан зийнатланган; гумбаз ичи ганч ўймакорлигида ишланган. Гумбаз остидаги ҳандасий шакллардан нақшлар ҳосил қилиб безатилган мармар полда нефритдан ишланган рамзий сағана атрофга сукунат таратиб туради; сағана шаҳид кетган ватандошларнинг рамзий қабридир. Шунингдек, 2002 йилда шу ҳудудда қад кўтарган «Қатағон курбонлари хотираси» музейи мажмуанинг таркибий қисмига киради.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.