«Şahrisabz konserva» aksiyadorlik jamiyati
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 84-b. — ziyouz.com
«Şahrisabz konserva» aksiyadorlik jamiyati — oziqovqat sanoati korxonasi. Şahrisabz şahrida joylaşgan. «Özmevasabzavotuzumsanoat xolding» kompaniyasi tarkibiga kiradi. Asosan., q.x. mahsulotlarini qayta işlaşga ixtisoslaşgan: tomat pastasi, meva va uzum şarbatlari, sabzavot konservalari işlab çiqaradi. Korxona qurilişi 1943 yilda boşlangan, 1947 yilda dastlabki konserva mahsulotlari işlab çiqargan. 1994 yildan oçiq turdagi aksiyadorlik jamiyati. 1996 yilda korxonada «Mevalar kamalagi» Özbekiston—Britaniya qöşma korxonasi taşkil etildi. Korxonaning işlab çiqariş tizimida pomidor sexi (sutkalik quvvati 1131,2 t pomidorni qayta işlaş; tomat pastasi), meva sexi (olma, behi, nok, şaftoli kompotlari), şarbat sexi (olma, uzum, rovoç şarbati), sabzavot sexi (bodring va pomidor konservalari) va boşqalar yordamçi sexlar mavjud. I.ç. sexlari 90-y.lardan boşlab Italiya, Vengriya, Germaniyada işlab çiqarilgan zamonaviy uskunalar bilan jihozlangan. Şuningdek, korxonada yiliga 750 ming dona tunuka banka tayyorlaydigan sex bor. Tayyorlangan mahsulotlar, asosan, içki bozorda sotiladi, çet ellarga — Rossiya, Ukraina, Belorussiya davlatlariga (tomat pastaning 30%) eksport qilinadi.
2003 yilda 42834,1 ming şartli banka konserva, şu jumladan, 2197,4 ming banka sabzavot, 33548 ming banka tomat, 7088 ming banka meva konservalari işlab çiqarildi.
Asl matn (kirill, PDF'dagidek)
«ШАҲРИСАБЗ КОНСЕРВА» АКЦИЯДОРЛИК ЖАМИЯТИ — озиқовқат саноати корхонаси. Шаҳрисабз шаҳрида жойлашган. «Ўзмевасабзавотузумсаноат холдинг» компанияси таркибига киради. Асосан., қ.х. маҳсулотларини қайта ишлашга ихтисослашган: томат пастаси, мева ва узум шарбатлари, сабзавот консервалари ишлаб чиқаради. Корхона қурилиши 1943 йилда бошланган, 1947 йилда дастлабки консерва маҳсулотлари ишлаб чиқарган. 1994 йилдан очиқ турдаги акциядорлик жамияти. 1996 йилда корхонада «Мевалар камалаги» Ўзбекистон—Британия қўшма корхонаси ташкил этилди. Корхонанинг ишлаб чиқариш тизимида помидор цехи (суткалик қуввати 1131,2 т помидорни қайта ишлаш; томат пастаси), мева цехи (олма, беҳи, нок, шафтоли компотлари), шарбат цехи (олма, узум, ровоч шарбати), сабзавот цехи (бодринг ва помидор консервалари) ва бошқалар ёрдамчи цехлар мавжуд. И.ч. цехлари 90-й.лардан бошлаб Италия, Венгрия, Германияда ишлаб чиқарилган замонавий ускуналар билан жиҳозланган. Шунингдек, корхонада йилига 750 минг дона тунука банка тайёрлайдиган цех бор. Тайёрланган маҳсулотлар, асосан, ички бозорда сотилади, чет элларга — Россия, Украина, Белоруссия давлатларига (томат пастанинг 30%) экспорт қилинади.
2003 йилда 42834,1 минг шартли банка консерва, шу жумладан, 2197,4 минг банка сабзавот, 33548 минг банка томат, 7088 минг банка мева консервалари ишлаб чиқарилди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.