Şarq muzeyi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 45–46-b. — ziyouz.com
Şarq muzeyi — jahondagi eng yirik muzeylardan biri. Moskvada 1918 yilda taşkil topgan. 1925 yilgaça Art Asian (Osiyo san'ati), 1962 yilgaça Şarq madaniyati muzeyi, 1992 yilgaça Şarq xalqlari san'ati muzeyi deb atalgan; 1992 yildan hoz. nomda. Muzey 19-asr 1-çoragida klassitsizm uslubida qurilgan binoda (me'mor D. Jilyardi) joylaşgan; muzey fondi, kutubxonasi va ta'mirlaş ustaxonasi boşqa binoda. Muzey töplamida qadimiy, örta asrlar va zamonaviy Şarq mamlakatlarining san'at asarlari saqlanadi. Muzey fondi rossiyalik taniqli san'at işqibozlarining şaxsiy töplamlari negizida barpo etilib, boşqa fondlardan ötkazilgan, sotib olingan san'at asarlari hisobiga boyitib boriladi. Muzeyda 100 dan ortiq mamlakatlarning rangtasvir, grafika, haykaltaroşlik, amaliy bezak san'ati asarlari, ilmiy ekspeditsiyalarda topilgan arxeologik eksponatlar töplangan. Yaponiya, Xitoy, Eron, Hindiston, Janubiy Şarqiy va Markaziy Osiyo mamlakatlari san'at asarlari muzeyning eng yirik töplamlaridir. Jumladan, özbekistonlik rassomlar A. Volkov, N. Karaxan, P. Benkov, O. Tatevosyan, B. Hamdamiy, Ö. Tansiqboyev, A. Abdullayev, B. Jalolov, L. Ibrohimov va boşqalarning asarlari ham bor.
Muzey ilmiy tekşiriş instituti maqomiga ega bölib, muhim ilmiy tekşiriş işlari olib boradi, arxeologik va etnografik ekspeditsiyalar, konferensiyalar uyuştiradi, ilmiy töplamlar, yölkörsatkiçlar, kataloglar, ilmiy ma'lumotnoma va ma'ruzalar töplamlari naşr etadi.
Asl matn (kirill, PDF'dagidek)
ШАРҚ МУЗЕЙИ — жаҳондаги энг йирик музейлардан бири. Москвада 1918 йилда ташкил топган. 1925 йилгача Art Asian (Осиё санъати), 1962 йилгача Шарқ маданияти музейи, 1992 йилгача Шарқ халқлари санъати музейи деб аталган; 1992 йилдан ҳоз. номда. Музей 19-аср 1-чорагида классицизм услубида қурилган бинода (меъмор Д. Жилярди) жойлашган; музей фонди, кутубхонаси ва таъмирлаш устахонаси бошқа бинода. Музей тўпламида қадимий, ўрта асрлар ва замонавий Шарқ мамлакатларининг санъат асарлари сақланади. Музей фонди россиялик таниқли санъат ишқибозларининг шахсий тўпламлари негизида барпо этилиб, бошқа фондлардан ўтказилган, сотиб олинган санъат асарлари ҳисобига бойитиб борилади. Музейда 100 дан ортиқ мамлакатларнинг рангтасвир, графика, ҳайкалтарошлик, амалий безак санъати асарлари, илмий экспедицияларда топилган археологик экспонатлар тўпланган. Япония, Хитой, Эрон, Ҳиндистон, Жанубий Шарқий ва Марказий Осиё мамлакатлари санъат асарлари музейнинг энг йирик тўпламларидир. Жумладан, ўзбекистонлик рассомлар А. Волков, Н. Карахан, П. Беньков, О. Татевосян, Б. Ҳамдамий, Ў. Тансиқбоев, А. Абдуллаев, Б. Жалолов, Л. Иброҳимов ва бошқаларнинг асарлари ҳам бор.
Музей илмий текшириш институти мақомига эга бўлиб, муҳим илмий текшириш ишлари олиб боради, археологик ва этнографик экспедициялар, конференциялар уюштиради, илмий тўпламлар, йўлкўрсаткичлар, каталоглар, илмий маълумотнома ва маърузалар тўпламлари нашр этади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.