«Şarq» naşriyot-matbaa aksiyadorlik kompaniyasi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 46-b. — ziyouz.com
«Şarq» naşriyot-matbaa aksiyadorlik kompaniyasi - gazeta-jurnallar, bosma naşrlar çop etiş kompleksi. Toşkent şahrida joylaşgan. Respublikaning markaziy gazeta va jurnallarini, qattiq va yumşoq muqovadagi kitoblar, broşyuralar, yorliqlar, fotoalbomlar, tasviriy san'at mahsulotlari va boşqalar bosma mahsulotlar çiqaradi. Uning tarixi 1921 yilda taşkil topgan bosmaxona va 1924 yilda taşkil etilgan «Sredazkniga» naşriyotidan boşlanadi. 1924 yildan «Qizil Özbekiston» gazetasining boş idorasi. 1947 yilda bosmaxona bilan birlaştirilib «Qizil Özbekiston», «Pravda Vostoka» va «Özbekistoni Surx» gazetalari birlaşgan naşriyoti. 1991 yildan Özbekiston Respublikasi Prezidenti devonining Işlar boşqarmasi huzuridagi «Şarq» naşriyot-matbaa konserniga aylantirildi. 2002 yil oktyabrdan hozirgi nomda. Kompaniyada 1991 yil 9 sentyabrda Boş tahririyat taşkil etildi. Boş tahririyat tomonidan «Amir Temur jahon tarixida», Zahiriddin Muhammad Boburning «Boburnoma», Şarafuddin Ali Yazdiyning «Zafarnoma», Hofiz Taniş Buxoriyning «Abdullanoma» kabi nodir kitoblari, «XXI asr özbek romani» ruknida özbek adiblarining romanlari, saylanmalari, tanlangan asarlari naşrdan çiqarildi.
Uning tarkibida «Andijon naşriyotmatbaa», «Işlab çiqariş-tijorat markazi» tarmoq aksiyadorlik jamiyatlari, «Şarq ziyokori» aksiyadorlik jamiyati hamda «Ovqatlaniş va savdo kombinati» bor. Kompaniyaning işlab çiqariş quvvati har oyda umumiy adadi 60 mln. nusxada 80 nomdan ortiq gazeta, 30 nomdagi jurnal, şuningdek, 70,0 ming nusxagaça qattiq muqovali, 230 ming nusxadan ortiq yumşoq muqovali kitoblar va risolalarni çop etiş imkoniyatini beradi. Zamonaviy poligrafiya maşinalari va uskunalari bilan jihozlangan. Kompaniya özining «Navbahor» sanatoriysihatgohi (Toşkent viloyati Qibray tumani) va «Yangiqörğon» istirohat maskani, bolalar soğlomlaştiriş lageri (Toşkent viloyati Böstonliq tumani)ga ega.
2004 yilda 66,9 mln. nusxa gazetalar, 42,0 mln. rangli-ottisk jurnallar, 115,3 mln. rangli-ottisk kitoblar va risolalar bosildi. Mahsulot sotiş hajmi 8,7 mlrd. sömni taşkil etdi.
Ad.: Şoğulomov I., Saodat manzillari, T., 1996.
Asl matn (kirill, PDF'dagidek)
«ШАРҚ» НАШРИЁТ-МАТБАА АКЦИЯДОРЛИК КОМПАНИЯСИ - газета-журналлар, босма нашрлар чоп этиш комплекси. Тошкент шаҳрида жойлашган. Республиканинг марказий газета ва журналларини, қаттиқ ва юмшоқ муқовадаги китоблар, брошюралар, ёрлиқлар, фотоальбомлар, тасвирий санъат маҳсулотлари ва бошқалар босма маҳсулотлар чиқаради. Унинг тарихи 1921 йилда ташкил топган босмахона ва 1924 йилда ташкил этилган «Средазкнига» нашриётидан бошланади. 1924 йилдан «Қизил Ўзбекистон» газетасининг бош идораси. 1947 йилда босмахона билан бирлаштирилиб «Қизил Ўзбекистон», «Правда Востока» ва «Ўзбекистони Сурх» газеталари бирлашган нашриёти. 1991 йилдан Ўзбекистон Республикаси Президенти девонининг Ишлар бошқармаси ҳузуридаги «Шарқ» нашриёт-матбаа концернига айлантирилди. 2002 йил октябрдан ҳозирги номда. Компанияда 1991 йил 9 сентябрда Бош таҳририят ташкил этилди. Бош таҳририят томонидан «Амир Темур жаҳон тарихида», Заҳириддин Муҳаммад Бобурнинг «Бобурнома», Шарафуддин Али Яздийнинг «Зафарнома», Ҳофиз Таниш Бухорийнинг «Абдулланома» каби нодир китоблари, «XXI аср ўзбек романи» рукнида ўзбек адибларининг романлари, сайланмалари, танланган асарлари нашрдан чиқарилди.
Унинг таркибида «Андижон нашриётматбаа», «Ишлаб чиқариш-тижорат маркази» тармоқ акциядорлик жамиятлари, «Шарқ зиёкори» акциядорлик жамияти ҳамда «Овқатланиш ва савдо комбинати» бор. Компаниянинг ишлаб чиқариш қуввати ҳар ойда умумий адади 60 млн. нусхада 80 номдан ортиқ газета, 30 номдаги журнал, шунингдек, 70,0 минг нусхагача қаттиқ муқовали, 230 минг нусхадан ортиқ юмшоқ муқовали китоблар ва рисолаларни чоп этиш имкониятини беради. Замонавий полиграфия машиналари ва ускуналари билан жиҳозланган. Компания ўзининг «Навбаҳор» санаторийсиҳатгоҳи (Тошкент вилояти Қибрай тумани) ва «Янгиқўрғон» истироҳат маскани, болалар соғломлаштириш лагери (Тошкент вилояти Бўстонлиқ тумани)га эга.
2004 йилда 66,9 млн. нусха газеталар, 42,0 млн. рангли-оттиск журналлар, 115,3 млн. рангли-оттиск китоблар ва рисолалар босилди. Маҳсулот сотиш ҳажми 8,7 млрд. сўмни ташкил этди.
Ад.: Шоғуломов И., Саодат манзиллари, Т., 1996.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.