Şastri
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 60-b. — ziyouz.com
Şastri ŞASTRI, Şastriy La'l Bahodir (1904.2.10, UttarPradeş ştati, Möğulsaroy — 1966.11.1, Toşkent) — Hindiston davlat va siyosat arbobi; Qöşilmaslik harakatida iştirok etgani uçun 1921 yilda qamalgan; hammasi bölib 9 yilni qamoqda ötkazgan. Kaşiy (Banoras) untida tahsil olgan, Hindiston milliy ozodlik harakatining faol qatnaşçisi. Hindiston Milliy Kongressi (HMK)ning birinçi Boş kotibi (1951), UttarPradeş komiteti Boş kotibi lavozimiga 2 marta saylangan. 1952—56 yillar Temir yöl va transport, 1958—61 yillar Savdo va sanoat vaziri, 1952 yilda esa Hindiston parlamentining yuqori palatasi (Rajya sabha)ga saylangan. 1961— 63 yillarda Hindiston Içki işlar vaziri; Atom energiyasi masalalari böyiça vazir, Reja komissiyasi raisi. J. Neruning vafotidan keyin Hindistonning ikkinçi Boş vaziri, 1964 yil 9 iyundan umrining oxirigaça şu lavozimda işlagan. Pokiston prezidenti Muhammad Ayyub Xon bilan birgalikda Hindiston — Pokiston mojarosini tinç yöl bilan hal qiliş maqsadida tuzilgan Toşkent deklaratsiyasini imzolagan (q. Toşkent uçraşuvi). Toşkentda vafot etgan. Jasadi Hindistonga olib borilgan. Vafotidan keyin (1966) Hindistonning oliy mukofoti «Bharat ratna» bilan taqdirlangan. Dehlida memorial muzeyi bor. Toşkentdagi Sodiq Azimov köçasida va 24-maktab oldida Ş.ga haykal örnatilgan, nomida maktab va köça bor. Ş.ning 100 yilligi munosabati bilan Toşkentdagi Hindiston madaniyat markaziga uning nomi berilgan.
Ansoriddin Ibrohimov.
Q.: Toşkent uçraşuvi
Asl matn (kirill, PDF'dagidek)
ШАСТРИ, Шастрий Лаъл Баҳодир (1904.2.10, УттарПрадеш штати, Мўғулсарой — 1966.11.1, Тошкент) — Ҳиндистон давлат ва сиёсат арбоби; Қўшилмаслик ҳаракатида иштирок этгани учун 1921 йилда қамалган; ҳаммаси бўлиб 9 йилни қамоқда ўтказган. Каший (Банорас) унтида таҳсил олган, Ҳиндистон миллий озодлик ҳаракатининг фаол қатнашчиси. Ҳиндистон Миллий Конгресси (ҲМК)нинг биринчи Бош котиби (1951), УттарПрадеш комитети Бош котиби лавозимига 2 марта сайланган. 1952—56 йиллар Темир йўл ва транспорт, 1958—61 йиллар Савдо ва саноат вазири, 1952 йилда эса Ҳиндистон парламентининг юқори палатаси (Ражйа сабҳа)га сайланган. 1961— 63 йилларда Ҳиндистон Ички ишлар вазири; Атом энергияси масалалари бўйича вазир, Режа комиссияси раиси. Ж. Нерунинг вафотидан кейин Ҳиндистоннинг иккинчи Бош вазири, 1964 йил 9 июндан умрининг охиригача шу лавозимда ишлаган. Покистон президенти Муҳаммад Айюб Хон билан биргаликда Ҳиндистон — Покистон можаросини тинч йўл билан ҳал қилиш мақсадида тузилган Тошкент декларациясини имзолаган (қ. Тошкент учрашуви). Тошкентда вафот этган. Жасади Ҳиндистонга олиб борилган. Вафотидан кейин (1966) Ҳиндистоннинг олий мукофоти «Бҳарат ратна» билан тақдирланган. Деҳлида мемориал музейи бор. Тошкентдаги Содиқ Азимов кўчасида ва 24-мактаб олдида Ш.га ҳайкал ўрнатилган, номида мактаб ва кўча бор. Ш.нинг 100 йиллиги муносабати билан Тошкентдаги Ҳиндистон маданият марказига унинг номи берилган.
Ансориддин Иброҳимов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.