Şerdor madrasa
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 111-b. — ziyouz.com
Şerdor madrasa - Samarqanddagi me'moriy yodgorlik (1619—36). Registon ansambli tarkibida. Mirzo Uluğbek xonaqohi örniga Yalangtöş Bahodir qurdirgan. Uluğbek madrasasining röparasida joylaşgan. Madrasa tarhi törtburçak, 2 qavatli. Boş tarzining 2 qanotida qovurğali gumbaz va minoralar joylaşgan. Peştoq ravoği içkarisidagi koşinkori bezak orasida qora zaminli koşinga oq harflar bilan me'mor Abdujabbor nomi yozilgan. Qanoslaridagi qizğiş zarhal tusli şer oq ohuni quvmoqda. Quyoş bodomqovoq, qiyiq közli qilib tasvirlanib, yuzi zarhal tusli yoğdu bilan hoşiyalangan. Madrasa nomi şu tasvirdan kelib çiqqan. Binoning serhaşamligi şu peştoğida. Peştoqning 2 tomonida gumbazli darsxona va masjid joylaşgan. Hovli atrofidagi 2 qavatli hujralar (54 ta)ning oldi ravoqli ayvon. Ayvonlar yozda darsxona vazifasini ötagan. 1960—64 yillarda peştoqqanoslaridagi koşinkori naqşlar qayta tiklangan.
Asl matn (kirill, PDF'dagidek)
ШЕРДОР МАДРАСА - Самарқанддаги меъморий ёдгорлик (1619—36). Регистон ансамбли таркибида. Мирзо Улуғбек хонақоҳи ўрнига Ялангтўш Баҳодир қурдирган. Улуғбек мадрасасининг рўпарасида жойлашган. Мадраса тарҳи тўртбурчак, 2 қаватли. Бош тарзининг 2 қанотида қовурғали гумбаз ва миноралар жойлашган. Пештоқ равоғи ичкарисидаги кошинкори безак орасида қора заминли кошинга оқ ҳарфлар билан меъмор Абдужаббор номи ёзилган. Қаносларидаги қизғиш зарҳал тусли шер оқ оҳуни қувмоқда. Қуёш бодомқовоқ, қийиқ кўзли қилиб тасвирланиб, юзи зарҳал тусли ёғду билан ҳошияланган. Мадраса номи шу тасвирдан келиб чиққан. Бинонинг серҳашамлиги шу пештоғида. Пештоқнинг 2 томонида гумбазли дарсхона ва масжид жойлашган. Ҳовли атрофидаги 2 қаватли ҳужралар (54 та)нинг олди равоқли айвон. Айвонлар ёзда дарсхона вазифасини ўтаган. 1960—64 йилларда пештоққаносларидаги кошинкори нақшлар қайта тикланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.