Şimoliy Farğona kanali
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 152-b. — ziyouz.com
Şimoliy Farğona kanali — Farğona vodiysidagi kanal. Uçqörğon şahri yaqinida Norin daryosidagi Uçqörğon töğonidan boşlanib, Tojikiston Respublikasining Suğd viloyati (Aşt tumani)da tugaydi. Kanal 1940 yilda eski kanallar — Yangiariq (1820), Rozenbax (1890), Anhor (1938) kanallari örnida xalq haşari yöli bilan qurildi. Uz. 162,5 km (Özbekiston hududida 144 km, Tojikistonda 18,5 km). Suv ötkaziş imkoniyati 103 m3/s Namangan viloyati Çust va Pop tumanlari (71,5 ming ga) va Tojikistonning Aşt tumanidagi (45,8 ming ga) yerlarni suğoradi. Şim.da adir etaklaridan Namangan şahrini aylanib ötadi. Bu yerda kanal (9 km) çuqur öyiq va kötarmalar orasidan ötadi. 91,6km da kanal köpgina yirik va mayda soylar (Ğovasoy, Japarsoy, Olmossoy, Kosonsoy, Sumsarsoy) ni kesib ötadi, söng toğ oldi tekisligidan oqadi. Kanalda 400 dan ortiq gidrotexnika inşooti, jumladan, boş rostlagiç, 5 töğon inşooti, 197 suv çiqargiç, 15 dyuker, 5 ta temir yöl, 35 ta avtomobil yöli köprigi, 95 nasos styasi, 8 taşlama inşoot qurilgan. 228 mustaqil tarmoqqa ega; eng yiriklari: Yangiariq (23 m3/s), Rozenbax (7 m3/s gaça); PopOqsuv, Töda, Sang (3 dan 5 m3/s gaça), Anhor (3 m3/s) va boşqalar
Asl matn (kirill, PDF'dagidek)
ШИМОЛИЙ ФАРҒОНА КАНАЛИ — Фарғона водийсидаги канал. Учқўрғон шаҳри яқинида Норин дарёсидаги Учқўрғон тўғонидан бошланиб, Тожикистон Республикасининг Суғд вилояти (Ашт тумани)да тугайди. Канал 1940 йилда эски каналлар — Янгиариқ (1820), Розенбах (1890), Анҳор (1938) каналлари ўрнида халқ ҳашари йўли билан қурилди. Уз. 162,5 км (Ўзбекистон ҳудудида 144 км, Тожикистонда 18,5 км). Сув ўтказиш имконияти 103 м3/с Наманган вилояти Чуст ва Поп туманлари (71,5 минг га) ва Тожикистоннинг Ашт туманидаги (45,8 минг га) ерларни суғоради. Шим.да адир этакларидан Наманган шаҳрини айланиб ўтади. Бу ерда канал (9 км) чуқур ўйиқ ва кўтармалар орасидан ўтади. 91,6км да канал кўпгина йирик ва майда сойлар (Ғовасой, Жапарсой, Олмоссой, Косонсой, Сумсарсой) ни кесиб ўтади, сўнг тоғ олди текислигидан оқади. Каналда 400 дан ортиқ гидротехника иншооти, жумладан, бош ростлагич, 5 тўғон иншооти, 197 сув чиқаргич, 15 дюкер, 5 та темир йўл, 35 та автомобиль йўли кўприги, 95 насос стяси, 8 ташлама иншоот қурилган. 228 мустақил тармоққа эга; энг йириклари: Янгиариқ (23 м3/с), Розенбах (7 м3/с гача); ПопОқсув, Тўда, Санг (3 дан 5 м3/с гача), Анҳор (3 м3/с) ва бошқалар
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.