Şnitke Alfred Garriyeviç
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 177-b. — ziyouz.com
Şnitke Alfred Garriyeviç (1934.21.11, Engels şahri 1998.3.8, Gamburg şahri. Moskvada dafn etilgan) — kompozitor, 20-asr musiqa namoyandasi, simfonizmnint yirik ustasi. Rossiyada xizmat körsatgan san'at arbobi (1987). Berlin (1981) va Bavariya (1986) san'at akademiyalari. Şvetsiya Qirol akademiyasi (1987), Gamburg akademiyasi (1989) a'zosi. Moskva konservatoriyasini tugatgan (1958). Moskva (1961 yildan) va Gamburg (1990 yildan) konservatoriyalarida dars bergan. Deyarli barça musiqa janrlarida ijod qilgan Ş. 3 opera («Jezualdo», 1993; «Doktor Iogann Faustning tarixi», 1994 va boşqalar), 4 balet («Sariq tovuş», 1974; «Per Gyunt», 1987 va boşqalar). 9 simfoniya (1972— 98), orkestr (6 konçerto grosso), yakka (skripka, fortepiano, alt, violonçel va boşqalar) sozlar va orkestr, şuningdek, xor uçun konsertlar, kamer asarlar, kantata («Rekviyem», 1975 va boşqalar), 30 ga yaqin kinofilm, multfilm, spektakllar uçun musiqa yaratgan. Ijodida mumtoz musiqa an'analari bilan eng zamonaviy kompozitsiya texnikasi (atonal musiqa, kollaj va boşqalar)ni uyğunlaştirib, musiqiy polistilistika uslubiga asos solgan. Asarlari teran falsafiy mazmun, kölami keng badiiy obrazlar, ta'sirçan ifodaviy vositalar, keskin dramaturgiyasi bilan ajralib turadi. Rossiya davlat mukofotlari (1986, 1995), Yaponiya va Germaniya (1992) mukofotlari bilan takdirlangan. Moskvadagi Musiqa akademiyasining biriga Ş. nomi berilgan (1999).
Asl matn (kirill, PDF'dagidek)
ШНИТКЕ Альфред Гарриевич (1934.21.11, Энгельс шаҳри 1998.3.8, Гамбург шаҳри. Москвада дафн этилган) — композитор, 20-аср мусиқа намояндаси, симфонизмнинт йирик устаси. Россияда хизмат кўрсатган санъат арбоби (1987). Берлин (1981) ва Бавария (1986) санъат академиялари. Швеция Қирол академияси (1987), Гамбург академияси (1989) аъзоси. Москва консерваториясини тугатган (1958). Москва (1961 йилдан) ва Гамбург (1990 йилдан) консерваторияларида дарс берган. Деярли барча мусиқа жанрларида ижод қилган Ш. 3 опера («Жезуальдо», 1993; «Доктор Иоганн Фаустнинг тарихи», 1994 ва бошқалар), 4 балет («Сариқ товуш», 1974; «Пер Гюнт», 1987 ва бошқалар). 9 симфония (1972— 98), оркестр (6 кончерто гроссо), якка (скрипка, фортепиано, альт, виолончель ва бошқалар) созлар ва оркестр, шунингдек, хор учун концертлар, камер асарлар, кантата («Реквием», 1975 ва бошқалар), 30 га яқин кинофильм, мультфильм, спектакллар учун мусиқа яратган. Ижодида мумтоз мусиқа анъаналари билан энг замонавий композиция техникаси (атонал мусиқа, коллаж ва бошқалар)ни уйғунлаштириб, мусиқий полистилистика услубига асос солган. Асарлари теран фалсафий мазмун, кўлами кенг бадиий образлар, таъсирчан ифодавий воситалар, кескин драматургияси билан ажралиб туради. Россия давлат мукофотлари (1986, 1995), Япония ва Германия (1992) мукофотлари билан такдирланган. Москвадаги Мусиқа академиясининг бирига Ш. номи берилган (1999).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.