Şofi'iylik
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 206–207-b. — ziyouz.com
Şofi'iylik — sunniylikdagi diniy-huquqiy mazhablardan biri. Muhammad ibn Idris aş Şofi'iy asos solgan. Ş. molikiylik va hanbaliylik diniy-huquqiy tizimiga yaqinroq turadi. Ş. tarafdorlari islom huquqidagi qiyos va ra'yni töla ma'qullamaydi, Qur'on, sunna va ijmoni asosiy manba deb biladi. Hanafiylikka qöşimça manba sifatida amal qilib kelingan «istihson» qoidasi ham Ş.da rad etilgan. Ş. dastlab Suriya va Misrda şakllangan, örta asrlarga kelib Yaqin Şarq mamlakatlarida keng tarqalgan. Hoz. vaqtda Misr, Indoneziya, Şim. Kavkaz, Şarqiy Afrika mamlakatlarining ba'zilarida, qisman Suriyada va jan. arab sultonliklarida e'tiqod va ibodatga doir amallarni Ş. mazhabi böyiça bajaruvçi musulmonlar bor.
Asl matn (kirill, PDF'dagidek)
ШОФИЪИЙЛИК — суннийликдаги диний-ҳуқуқий мазҳаблардан бири. Муҳаммад ибн Идрис аш Шофиъий асос солган. Ш. моликийлик ва ҳанбалийлик диний-ҳуқуқий тизимига яқинроқ туради. Ш. тарафдорлари ислом ҳуқуқидаги қиёс ва раъйни тўла маъқулламайди, Қуръон, сунна ва ижмони асосий манба деб билади. Ҳанафийликка қўшимча манба сифатида амал қилиб келинган «истиҳсон» қоидаси ҳам Ш.да рад этилган. Ш. дастлаб Сурия ва Мисрда шаклланган, ўрта асрларга келиб Яқин Шарқ мамлакатларида кенг тарқалган. Ҳоз. вақтда Миср, Индонезия, Шим. Кавказ, Шарқий Африка мамлакатларининг баъзиларида, қисман Сурияда ва жан. араб султонликларида эътиқод ва ибодатга доир амалларни Ш. мазҳаби бўйича бажарувчи мусулмонлар бор.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.