Şohimardon majmuasi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 214–215-b. — ziyouz.com
Şohimardon majmuasi - Xorazm viloyatidagi me'moriy yodgorlik (19-asr); Şohimardon qabristonida. Majmua turli davrlarda qurilgan maqbara, qorixona, oşxona, mujovur (mulla) va ziyoratçilar uçun yotoqxona hamda uning atrofida bunyod etilgan xon avlodlari va aslzodalarning maqbaralaridan taşkil topgan. Xorazmda Şohimardon nomi bilan maşhur bölgan xalifa Ali şarafiga qurilgan asosiy maqbara peştoqgumbazli, bir xonadan iborat, peştoği 2 qator ğiştin şarafa bilan yakunlangan, yuzasi mayda koşinkori yaşil «peçak» va «törtburçak» şakllar bilan qoplangan. Yöl yoqasi böylab joylaşgan 3 ta qorixona sönggi davr me'morligiga xos uslubda barpo etilgan. Bir xil kattalikda qurilgan peştoqli 2 maqbara (biri 7 gumbaz, ikkinçisi 2 gumbaz bilan yopilgan) yon devorlariga an'anaviy yassi ravoqlar işlangan. «Qöş mozor» nomi bilan keng tarqalgan yer osti maqbarasi 3 qismli bölib, boş tarzidagi peştoq orqali markaziy xona — miyonsaroyga kiriladi, miyonsaroyning 2 yonida kulohiy gumbaz bilan yopilgan görxonalar joylaşgan, şakldor ravoqlarga örnatilgan içki gumbazi ganç öymakorligi bilan bezatilgan. Ayrim binolar buzilgan.
Asl matn (kirill, PDF'dagidek)
ШОҲИМАРДОН МАЖМУАСИ - Хоразм вилоятидаги меъморий ёдгорлик (19-аср); Шоҳимардон қабристонида. Мажмуа турли даврларда қурилган мақбара, қорихона, ошхона, мужовур (мулла) ва зиёратчилар учун ётоқхона ҳамда унинг атрофида бунёд этилган хон авлодлари ва аслзодаларнинг мақбараларидан ташкил топган. Хоразмда Шоҳимардон номи билан машҳур бўлган халифа Али шарафига қурилган асосий мақбара пештоқгумбазли, бир хонадан иборат, пештоғи 2 қатор ғиштин шарафа билан якунланган, юзаси майда кошинкори яшил «печак» ва «тўртбурчак» шакллар билан қопланган. Йўл ёқаси бўйлаб жойлашган 3 та қорихона сўнгги давр меъморлигига хос услубда барпо этилган. Бир хил катталикда қурилган пештоқли 2 мақбара (бири 7 гумбаз, иккинчиси 2 гумбаз билан ёпилган) ён деворларига анъанавий ясси равоқлар ишланган. «Қўш мозор» номи билан кенг тарқалган ер ости мақбараси 3 қисмли бўлиб, бош тарзидаги пештоқ орқали марказий хона — миёнсаройга кирилади, миёнсаройнинг 2 ёнида кулоҳий гумбаз билан ёпилган гўрхоналар жойлашган, шаклдор равоқларга ўрнатилган ички гумбази ганч ўймакорлиги билан безатилган. Айрим бинолар бузилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.