Şohimardonsoy
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 215-b. — ziyouz.com
Şohimardonsoy (Arçaboşi, Oqsuv, Marğilonsoy) — Farğona viloyatidagi daryo. Olay va Turkiston tizmalarining şim. yon bağridan boşlanadigan Oqsuv va Köksuv soylarining qöşilişidan (Şohimardon qişloği yaqinida) hosil böladi. Vodil qişloğidan Farğona şahrigaça Marğilonsoy, undan quiiroqda Ş. nomi bilan ma'lum. Uz. 112 km. Havzasining mayd. 1300 km2. Qisman Qirğiziston hududidan oqib ötadi. Bir neça tarmoqqa bölinadi. Ş.ga 32 ta mayda soyjilğalar qöşiladi (umumiy uz. 86 km). Qor va yomğir suvlaridan töyinadi. Örtaça köp yillik suv sarfi 10,1 m3/sek., sel kelganda 64 m3/sek., örtaça yillik oqim miqdori 319 mln. m3. Örtaça yillik suv sarfi 10,5 m3/sek.dan (köp suvli yilda) 7,86 m3/sek.gaça (kam suvli yilda) özgaradi. Ş. suvi ekin maydonlarini suğorişga sarflanadi. Soy vodiysida Şohimardon, Oqqiya, Qumbuloq, Langar va boşqalar qişloqlar joylaşgan. Ş.da bir neça kiçik GESlar qurilgan.
Asl matn (kirill, PDF'dagidek)
ШОҲИМАРДОНСОЙ (Арчабоши, Оқсув, Марғилонсой) — Фарғона вилоятидаги дарё. Олай ва Туркистон тизмаларининг шим. ён бағридан бошланадиган Оқсув ва Кўксув сойларининг қўшилишидан (Шоҳимардон қишлоғи яқинида) ҳосил бўлади. Водил қишлоғидан Фарғона шаҳригача Марғилонсой, ундан қуиироқда Ш. номи билан маълум. Уз. 112 км. Ҳавзасининг майд. 1300 км2. Қисман Қирғизистон ҳудудидан оқиб ўтади. Бир неча тармоққа бўлинади. Ш.га 32 та майда сойжилғалар қўшилади (умумий уз. 86 км). Қор ва ёмғир сувларидан тўйинади. Ўртача кўп йиллик сув сарфи 10,1 м3/сек., сел келганда 64 м3/сек., ўртача йиллик оқим миқдори 319 млн. м3. Ўртача йиллик сув сарфи 10,5 м3/сек.дан (кўп сувли йилда) 7,86 м3/сек.гача (кам сувли йилда) ўзгаради. Ш. суви экин майдонларини суғоришга сарфланади. Сой водийсида Шоҳимардон, Оққия, Қумбулоқ, Лангар ва бошқалар қишлоқлар жойлашган. Ш.да бир неча кичик ГЭСлар қурилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.