Şohnazar Sohibov
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 555-b. — ziyouz.com
Sohibov Şohnazar (1903.16.5, ğoz. Vobkent tumani Kumuşkent qişloği — 1973.21.3, Duşanba) — özbek va tojik hofizi, sozanda, bastakor. Özbekiston (1944), Tojikiston (1957)da xizmat körsatgan san'at arbobi. Samarqand musiqa va xoreografiya in-ti (1928—32), Moskva Özbek opera studiyasining kompozitsiya sinfida (1935— 41) ta'lim olgan. Samarqand (1931 — 33) va Buxoro (1933 — 35) musiqali drama teatrlari, Özbekiston radioqömitasi xalq çolğu asboblari ansamblining (1945—47) musiqa rahbari, Özbek davlat filarmoniyasi (1943— 45), Tojik davlat filarmoniyasi (1947—50)da badiiy rahbar. Tojikiston xalq ijodi uyida katta ilmiy xodim (1950—66). 1966 y.dan Tojikiston radio va televideniyesi Şaşmaqom ansamblining rahbari. S. Buxoro ijroçilik maktabi an'analarini davom ettirib, mumtoz aşulalar va maqom yöllarini özbek va tojik tillarida mahorat bilan kuylagan. S. vokalraqs syuitasi, bir qança qöşiklar va marşlar yaratgan. F. Şahobov, B. Fayzullayevlar bilan Tojikistonda Şaşmaqomni notaga olib, V. Belyayev tahririda naşr ettirgan (1950—1967, Rudakiy nomidagi Tojikiston Davlat mukofoti laureati, (1972).
Asl matn (kirill, PDF'dagidek)
СОҲИБОВ Шоҳназар (1903.16.5, ғоз. Вобкент тумани Кумушкент қишлоғи — 1973.21.3, Душанба) — ўзбек ва тожик ҳофизи, созанда, бастакор. Ўзбекистон (1944), Тожикистон (1957)да хизмат кўрсатган санъат арбоби. Самарқанд мусиқа ва хореография ин-ти (1928—32), Москва Ўзбек опера студиясининг композиция синфида (1935— 41) таълим олган. Самарқанд (1931 — 33) ва Бухоро (1933 — 35) мусиқали драма театрлари, Ўзбекистон радиоқўмитаси халқ чолғу асбоблари ансамблининг (1945—47) мусиқа раҳбари, Ўзбек давлат филармонияси (1943— 45), Тожик давлат филармонияси (1947—50)да бадиий раҳбар. Тожикистон халқ ижоди уйида катта илмий ходим (1950—66). 1966 й.дан Тожикистон радио ва телевидениеси Шашмақом ансамблининг раҳбари. С. Бухоро ижрочилик мактаби анъаналарини давом эттириб, мумтоз ашулалар ва мақом йўлларини ўзбек ва тожик тилларида маҳорат билан куйлаган. С. вокалрақс сюитаси, бир қанча қўшиклар ва маршлар яратган. Ф. Шаҳобов, Б. Файзуллаевлар билан Тожикистонда Шашмақомни нотага олиб, В. Беляев таҳририда нашр эттирган (1950—1967, Рудакий номидаги Тожикистон Давлат мукофоти лауреати, (1972).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.