Şomahmudovlar oilasi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 194-b. — ziyouz.com
Şomahmudovlar oilasi - insonparvarlikning yuksak namunasini körsatgan oila. 2-jahon uruşi davrida toşkentlik temirçi Şoahmad Şomahmudov (1890—1970) va uning xotini Bahri Akramova (1903—87) turli millatning qarovsiz va yetim qolgan bolalarini farzandlikka olib, ta'limtarbiya bergan. Toşkent şahri ayollarining Özbekiston ayollariga qarata qardoş xalqlarning yetim qolgan va evakuatsiya qilingan bolalarini tarbiyaga oliş haqidagi 1942 yil yanv. murojaati ularni şahardagi 17-bolalar uyiga olib keldi. Ular boşpanasiz qolgan, turli millat vakillari bölgan 13 bola va uruşdan söng yana 3 bolani öz tarbiyalariga olişgan. Bular: Habiba, Vova, Şuhrat — rus, Hamidulla — ukrain, Rafiq, Rahmatulla — tatar, Xolida — moldavan, Samuğ — çuvaş, Yöldoş, Ergaş — yahudiy, Halima — qozoq, Qoravoy, Ne'mat, Muazzam, Hakima, Uluğbek — özbek. Ş.o. samarqandlik Samadovlar oilasi kabi insonparvarlikni uluğlovçi oila sifatida katta jasorat, qahramonlik körsatdi. Yozuvçi R.Fayziyning «Hazrati inson» romani, «Özbekfilm» kinostudiyasining «Sen yetim emassan» badiiy filmi yaratilişiga Ş.o. hayoti asos bölgan. Bu oila şarafiga Toşkentdagi Xalqlar döstligi maydonida Xalqlar döstligi monumenti örnatilgan.
Asl matn (kirill, PDF'dagidek)
ШОМАҲМУДОВЛАР ОИЛАСИ - инсонпарварликнинг юксак намунасини кўрсатган оила. 2-жаҳон уруши даврида тошкентлик темирчи Шоаҳмад Шомаҳмудов (1890—1970) ва унинг хотини Баҳри Акрамова (1903—87) турли миллатнинг қаровсиз ва етим қолган болаларини фарзандликка олиб, таълимтарбия берган. Тошкент шаҳри аёлларининг Ўзбекистон аёлларига қарата қардош халқларнинг етим қолган ва эвакуация қилинган болаларини тарбияга олиш ҳақидаги 1942 йил янв. мурожаати уларни шаҳардаги 17-болалар уйига олиб келди. Улар бошпанасиз қолган, турли миллат вакиллари бўлган 13 бола ва урушдан сўнг яна 3 болани ўз тарбияларига олишган. Булар: Ҳабиба, Вова, Шуҳрат — рус, Ҳамидулла — украин, Рафиқ, Раҳматулла — татар, Холида — молдаван, Самуғ — чуваш, Йўлдош, Эргаш — яҳудий, Ҳалима — қозоқ, Қоравой, Неъмат, Муаззам, Ҳакима, Улуғбек — ўзбек. Ш.о. самарқандлик Самадовлар оиласи каби инсонпарварликни улуғловчи оила сифатида катта жасорат, қаҳрамонлик кўрсатди. Ёзувчи Р.Файзийнинг «Ҳазрати инсон» романи, «Ўзбекфильм» киностудиясининг «Сен етим эмассан» бадиий фильми яратилишига Ш.о. ҳаёти асос бўлган. Бу оила шарафига Тошкентдаги Халқлар дўстлиги майдонида Халқлар дўстлиги монументи ўрнатилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.