Şon O'keysi
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 93–94-b. — ziyouz.com
O'keysi Şon O'KEYSI (O'Kasey) Şon (1880.30.3, Dublin — 1964.18.9, Torki, Angliya) — irland yozuvçisi va dramaturgi. 1926 y.dan Angliyada yaşagan. Ötgan asrning 10—20-y.larida irland xalqining ingliz mustamlakaçilariga qarşi inqilobiy kuraşi qatnaşçisi. «Öqçining soyasi» (1923), «Yunona va tovus» (1924), «Omoç va yulduzlar» (1926) pyesalari irland xalqining 20- a. boşidagi milliy ozodlik harakati voqealariga bağişlangan. Ilk asarlarining badiiy uslubida realistik va romantik tamoyillar özaro qöşilib ketgan. «Yulduz qizarmokda» (1940) pyesasi inqilobiy ğoyalar b-n suğorilgan. «Uyimdagi közgu» («Tarjimai hol», 1 — 6-j.) epopeyasida (1939—54) qora xalq orasidan çiqqan kişining jahon madaniyati, ijodiyoti çöqqilariga, ijtimoiy taraqqiyot uçun kuraşga qadar bosib ötgan yölini körsatib bergan. «Yepiskop gulxani» (1995), «Ned otaning noğoralari» (1958) pyesalarida Irlandiya katolik ruhoniylari rahbarlarini xajv qilgan. «Uçayotgan ari» (1937), «Yaşil qarğa» (1956), «Guldor qalpoq ostida» (1963) kabi maqolalar va esselar töplamlarida O'K. realizmning haqiqiy tarafdori sifatida modernizmga qarşi kuraşib, realistik san'at prinsiplarini qöllab-quvvatlagan. Publitsistik asarlari tinçlik uçun kuraş işiga xizmat qiladi.
Asl matn (kirill, PDF'dagidek)
О’КЕЙСИ (O’Kasey) Шон (1880.30.3, Дублин — 1964.18.9, Торки, Англия) — ирланд ёзувчиси ва драматурги. 1926 й.дан Англияда яшаган. Ўтган асрнинг 10—20-й.ларида ирланд халқининг инглиз мустамлакачиларига қарши инқилобий кураши қатнашчиси. «Ўқчининг сояси» (1923), «Юнона ва товус» (1924), «Омоч ва юлдузлар» (1926) пьесалари ирланд халқининг 20- а. бошидаги миллий озодлик ҳаракати воқеаларига бағишланган. Илк асарларининг бадиий услубида реалистик ва романтик тамойиллар ўзаро қўшилиб кетган. «Юлдуз қизармокда» (1940) пьесаси инқилобий ғоялар б-н суғорилган. «Уйимдаги кўзгу» («Таржимаи ҳол», 1 — 6-ж.) эпопеясида (1939—54) қора халқ орасидан чиққан кишининг жаҳон маданияти, ижодиёти чўққиларига, ижтимоий тараққиёт учун курашга қадар босиб ўтган йўлини кўрсатиб берган. «Епископ гулхани» (1995), «Нед отанинг ноғоралари» (1958) пьесаларида Ирландия католик руҳонийлари раҳбарларини хажв қилган. «Учаётган ари» (1937), «Яшил қарға» (1956), «Гулдор қалпоқ остида» (1963) каби мақолалар ва эсселар тўпламларида О’К. реализмнинг ҳақиқий тарафдори сифатида модернизмга қарши курашиб, реалистик санъат принципларини қўллаб-қувватлаган. Публицистик асарлари тинчлик учун кураш ишига хизмат қилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.