Şörtan gaz-kimyo majmuasi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 262-b. — ziyouz.com
Şörtan gaz-kimyo majmuasi — jahondagi eng yirik gaz sanoati korxonalaridan biri. «Özbekneftgaz» milliy xolding kompaniyasi tarkibiga kiruvçi unitar şö'ba korxona. Qaşqadaryo viloyatining Ğuzor tumanidagi Şörtan şaharçasida joylaşgan. 150 ga dan ortiq maydonni egallaydi. Mahalliy konlardan olinadigan gazni qayta işlab, organik sintez, polietilen, yoqilği gazi, suyultirilgan gaz, gaz kondensati, donador oltingugurt, polietilen tagliklar, polietilen plenkalar işlab çiqaradi.
Ş.g.k.m. qurilişi 1998 yildan boşlangan. «Özbekneftgaz» milliy xolding kompaniyasining mustaqillik yillarida amalga oşirgan eng yaxşi loyihalaridan va xalqaro hamkorlik mahsullaridan biridir. 2001 yilda işga tuşirildi. 2002 yil 15 avg.da birinçi polietilen olindi.
Majmua qurilişida AQŞning «ABB Lummus Global», «Honeywell», Germaniyaning «Fisher», «Ermafa», Kanadaning «Nova Chemicals», Italiyaning «Renco», «ABB Soimi», Yaponiyaning «Mitsui», «Nisho Ivai», Fransiyaning «Upedex», Rossiyaning «Soyuzvneştrans», VNIIGaz firma va kompaniyalari faol qatnaşdi. Şuningdek, AQŞ ning «Eksimbank», «Çeyz Manxetten Bank», Fransiyaning «Pariba», Germaniyaning «Kommersbank», Yaponiyaning «Eksimbank», «Germes» suğurta agentligi öz investitsiyalari bilan iştirok etdi. Majmuaning texnologiya qismi gazni tozalaş qurilmasi, polietilen granula (donaça)lari işlab çiqaradigan zddan iborat.
Loyiha quvvatiga köra, majmua bir yilda 4,2 mlrd. m3 gazni qayta işlaydi, 125 ming t polietilen granulalari, 137 ming t suyultirilgan gaz, 103 ming t gaz kondensati, 4 ming t donador oltingugurt, şuningdek, 4,2 mlrd. m3 tovar gaz (yoqilği) işlab çiqaradi. 2004 yilda 100 ming t polietilen, 85 ming t suyultirilgan gaz, 88 ming t gaz kondensati, 2,6 mlrd.m3 tovar gaz, 100 t oltingugurt işlab çiqarildi.
Majmua mahsulotining 60% dan ortiği xorij — Ukraina, Rossiya, Qozoğiston, Boltiqböyi, Polşa, Vengriya, Avstriya, Gretsiya, Turkiya, Eron, Pokiston, Xitoy va boşqalar mamlakatlarga eksport qilinadi.
Asl matn (kirill, PDF'dagidek)
ШЎРТАН ГАЗ-КИМЁ МАЖМУАСИ — жаҳондаги энг йирик газ саноати корхоналаридан бири. «Ўзбекнефтгаз» миллий холдинг компанияси таркибига кирувчи унитар шўъба корхона. Қашқадарё вилоятининг Ғузор туманидаги Шўртан шаҳарчасида жойлашган. 150 га дан ортиқ майдонни эгаллайди. Маҳаллий конлардан олинадиган газни қайта ишлаб, органик синтез, полиэтилен, ёқилғи гази, суюлтирилган газ, газ конденсати, донадор олтингугурт, полиэтилен тагликлар, полиэтилен пленкалар ишлаб чиқаради.
Ш.г.к.м. қурилиши 1998 йилдан бошланган. «Ўзбекнефтгаз» миллий холдинг компаниясининг мустақиллик йилларида амалга оширган энг яхши лойиҳаларидан ва халқаро ҳамкорлик маҳсулларидан биридир. 2001 йилда ишга туширилди. 2002 йил 15 авг.да биринчи полиэтилен олинди.
Мажмуа қурилишида АҚШнинг «ABB Lummus Global», «Honeywell», Германиянинг «Fisher», «Ermafa», Канаданинг «Nova Chemicals», Италиянинг «Renco», «ABB Soimi», Япониянинг «Mitsui», «Nisho Ivai», Франциянинг «Upedex», Россиянинг «Союзвнештранс», ВНИИГаз фирма ва компаниялари фаол қатнашди. Шунингдек, АҚШ нинг «Эксимбанк», «Чейз Манхеттен Банк», Франциянинг «Париба», Германиянинг «Коммерцбанк», Япониянинг «Эксимбанк», «Гермес» суғурта агентлиги ўз инвестициялари билан иштирок этди. Мажмуанинг технология қисми газни тозалаш қурилмаси, полиэтилен гранула (донача)лари ишлаб чиқарадиган зддан иборат.
Лойиҳа қувватига кўра, мажмуа бир йилда 4,2 млрд. м3 газни қайта ишлайди, 125 минг т полиэтилен гранулалари, 137 минг т суюлтирилган газ, 103 минг т газ конденсати, 4 минг т донадор олтингугурт, шунингдек, 4,2 млрд. м3 товар газ (ёқилғи) ишлаб чиқаради. 2004 йилда 100 минг т полиэтилен, 85 минг т суюлтирилган газ, 88 минг т газ конденсати, 2,6 млрд.м3 товар газ, 100 т олтингугурт ишлаб чиқарилди.
Мажмуа маҳсулотининг 60% дан ортиғи хориж — Украина, Россия, Қозоғистон, Болтиқбўйи, Польша, Венгрия, Австрия, Греция, Туркия, Эрон, Покистон, Хитой ва бошқалар мамлакатларга экспорт қилинади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.