Şörtepa neft-gaz koni
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 263-b. — ziyouz.com
Şörtepa neft-gaz koni - Qaşqadaryo viloyati Muborak tumanidagi kon. Muborak t.y. stansiyasidan 20 km şim. şarqda. 1961 yilda oçilgan va 1967 yilda foydalanişga topşirilgan. Kon relyefi çöl tekisligidan iborat. Şörtepa strukturasi subkenglik böyiça çözilgan braxiantiklinal burmadan iborat. Struktura jan.şarkda Şumak burmasi bilan çegaralanadi va kiçikroq sinklinal orqali Şörsoy strukturasiga ulanib ketadi. Burma asimmetrik tuzilişga ega bölib, ikki: şim. va şarqiy qubbalardan iborat. Ş.n.g.k.da jami 13 quduq qazilgan bölib, paleozoy, mezozoy va kaynozoy erasi yotqiziqlari oçilgan. Paleozoy erasi jinslari 40 m gaça oçilgan, slanets, argillit va qumtoşlardan tarkib topgan. Yura davri yotqiziqlari terrigen, karbonat va tuzgips qatlaridan, bör davri gravelit, qumtoş, ohaktoş, alevrolitlardan tuzilgan. Sanoat miqyosidagi neft va gaz quyi bör davri yotqiziqlaridagi 12 va 13-gorizontlarda joylaşgan. 12gorizont apt yarusining (qalinligi 50—60 m) qumtoş va gravelit jinslaridan tarkib topgan, 1230— 1500 m çuqurlikda oçilgan. Foydali qalinligi 16—27 m, Gazlilik mayd. 12410 ming m2. 13gorizont 1285—1500 m çuqurlikda oçilgan, qumtoş, gravelit, alevrolit va gil jinslardan tarkib topgan. Qalinligi 210—238 m. Janubiy blokning 13gorizontida gaz qalpoqli neft uyumi mavjud, gazlilik qavati 60 m. Gorizontlardagi qatlam suvlarining turi gidrokarbonat-natriyli, sulfatnatriyli va xlornatriyli. Minerallaşganligi 1,5—9,4 g/l. Hoz. kunda kondan foydalanilmoqda.
Asl matn (kirill, PDF'dagidek)
ШЎРТЕПА НЕФТЬ-ГАЗ КОНИ - Қашқадарё вилояти Муборак туманидаги кон. Муборак т.й. станциясидан 20 км шим. шарқда. 1961 йилда очилган ва 1967 йилда фойдаланишга топширилган. Кон рельефи чўл текислигидан иборат. Шўртепа структураси субкенглик бўйича чўзилган брахиантиклиналь бурмадан иборат. Структура жан.шаркда Шумак бурмаси билан чегараланади ва кичикроқ синклиналь орқали Шўрсой структурасига уланиб кетади. Бурма асимметрик тузилишга эга бўлиб, икки: шим. ва шарқий қуббалардан иборат. Ш.н.г.к.да жами 13 қудуқ қазилган бўлиб, палеозой, мезозой ва кайнозой эраси ётқизиқлари очилган. Палеозой эраси жинслари 40 м гача очилган, сланец, аргиллит ва қумтошлардан таркиб топган. Юра даври ётқизиқлари терриген, карбонат ва тузгипс қатларидан, бўр даври гравелит, қумтош, оҳактош, алевролитлардан тузилган. Саноат миқёсидаги нефть ва газ қуйи бўр даври ётқизиқларидаги 12 ва 13-горизонтларда жойлашган. 12горизонт апт ярусининг (қалинлиги 50—60 м) қумтош ва гравелит жинсларидан таркиб топган, 1230— 1500 м чуқурликда очилган. Фойдали қалинлиги 16—27 м, Газлилик майд. 12410 минг м2. 13горизонт 1285—1500 м чуқурликда очилган, қумтош, гравелит, алевролит ва гил жинслардан таркиб топган. Қалинлиги 210—238 м. Жанубий блокнинг 13горизонтида газ қалпоқли нефть уюми мавжуд, газлилик қавати 60 м. Горизонтлардаги қатлам сувларининг тури гидрокарбонат-натрийли, сульфатнатрийли ва хлорнатрийли. Минераллашганлиги 1,5—9,4 г/л. Ҳоз. кунда кондан фойдаланилмоқда.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.