Şörva
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 257-b. — ziyouz.com
Şörva — suyuq ovqat turi. Tayyorlaş usuliga köra, Ş.ning qovurma Ş. va qaynatma Ş.; solinadigan masalliğiga köra şolğom Ş., nöxat Ş., dölmali Ş., vermişel Ş., şovul Ş., karam Ş., kabi yigirmadan ortiq turi bor. Qovurma Ş. — qöy yoği kubik qilib töğraladi va qozonga solib çalaroq eritiladi. Göşt bölaklarga bölinib, yoğ bilan birga qizargunça, söngra töğralgan piyoz va pomidor qöşib yana 7—10 min. qovuriladi, kartoşka solib birikki aylantiriladi va suv quyiladi. Suv qaynab çiqqunça qozonga tuz, bir dona qizil qalampir, töğralgan ukrop va kaşniç solinadi. Ş. qaynab çiqqaç, olovi pasaytirilib, yana 1 soatça mildiratib qaynatiladi. Qaynatma Ş. — qöy göşti (töşi, qovurğasi, ozgina yoği) qozondagi sovuq suvga solib qaynatiladi. Ş.ning köpigi olinmaydi (piyoz solingaç, köpigi öz-özidan yöqolib ketadi). Ş.ga piyoz bilan birga arçilgan butun sabzi, töğralgan pomidor, tuz va ziravorlar solinadi. Ş. 40—50 min. qaynagaç, arçilgan butun kartoşka solinadi va olov pasaytirilib, mildiratib qaynatiladi. Kartoşka pişişi bilan, Ş. olovdan olinib, dasturxonga kosalarda tortiladi.
Asl matn (kirill, PDF'dagidek)
ШЎРВА — суюқ овқат тури. Тайёрлаш усулига кўра, Ш.нинг қовурма Ш. ва қайнатма Ш.; солинадиган масаллиғига кўра шолғом Ш., нўхат Ш., дўлмали Ш., вермишель Ш., шовул Ш., карам Ш., каби йигирмадан ортиқ тури бор. Қовурма Ш. — қўй ёғи кубик қилиб тўғралади ва қозонга солиб чалароқ эритилади. Гўшт бўлакларга бўлиниб, ёғ билан бирга қизаргунча, сўнгра тўғралган пиёз ва помидор қўшиб яна 7—10 мин. қовурилади, картошка солиб бирикки айлантирилади ва сув қуйилади. Сув қайнаб чиққунча қозонга туз, бир дона қизил қалампир, тўғралган укроп ва кашнич солинади. Ш. қайнаб чиққач, олови пасайтирилиб, яна 1 соатча милдиратиб қайнатилади. Қайнатма Ш. — қўй гўшти (тўши, қовурғаси, озгина ёғи) қозондаги совуқ сувга солиб қайнатилади. Ш.нинг кўпиги олинмайди (пиёз солингач, кўпиги ўз-ўзидан йўқолиб кетади). Ш.га пиёз билан бирга арчилган бутун сабзи, тўғралган помидор, туз ва зираворлар солинади. Ш. 40—50 мин. қайнагач, арчилган бутун картошка солинади ва олов пасайтирилиб, милдиратиб қайнатилади. Картошка пишиши билан, Ш. оловдан олиниб, дастурхонга косаларда тортилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.