Şovot
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 179-b. — ziyouz.com
Şovot — Xorazm viloyati Şovot tumanidagi şaharça (1972 yildan), tuman markazi. Şovot kanalining çap sohilida. Viloyat markazi (Urganç şahri)dan 40 km şim.ğarbda, t.y. stansiyasi. Aholisi 15,8 ming kişi (2004). 1681 yilda Eski Vadoq kanali örnida yangi Şohobod (Şovot) kanalining barpo etilişi munosabati bilan Xiva xoni Anuşaxon Abulğoziy Bahodirxon öğli tomonidan asos solingan va nomini uşbu kanal (Şohobod, şevada Şovot) nomidan olgan.
Ş.da paxta tozalaş, ğişt, podşipnik zdlari, ipyigiruv f-kasi, un, maişiy xizmat körsatiş ktlari, avtokorxona va boşqalar joylaşgan. Mustaqillik yillarida 10 ta yirik (çarm işlab çiqariş, temirbeton, «Binokor» maişiy xizmat körsatiş, «Istiqbol», «Özbekiston» va boşqalar) korxona işga tuşirildi. «Semurğ», Özbekiston — Germaniya «Şovotteks» qöşma korxonalari faoliyat körsatadi.
Şaharçada 6 umumiy ta'lim maktabi, 4 kasb-hunar kolleji, Komiljon Otaniyozov nomidagi madaniyat va istirohat boği, markaziy kutubxona, 3 aşula va raqs xalq dastasi, 1 musiqa maktabi, 3 bolalar kutubxonasi, «Şohobod» markaziy stadioni, 22 tibbiy xizmat körsatiş muassasasi mavjud. Markaziy kasalxona (570 örin), 3 poliklinika, 7 dorixona faoliyat körsatadi.
Ş. Turkmanistonning Toşhovuz, Qoraqalpoğistonning Manğit, Nukus, Xöjayli, Qönğirot şaharlari bilan avtomobil va t.y.lari orqali boğlangan Ş. — Toşkent poyezdi yurib turibdi. Ş.dan viloyat markazi Urgançga avtobus qatnaydi.
Ad.: Abulğoziy Bahodirxon, Şajarai turk, T., 1991; Xorazm tarixi, Urganç, 1995.
Asl matn (kirill, PDF'dagidek)
ШОВОТ — Хоразм вилояти Шовот туманидаги шаҳарча (1972 йилдан), туман маркази. Шовот каналининг чап соҳилида. Вилоят маркази (Урганч шаҳри)дан 40 км шим.ғарбда, т.й. станцияси. Аҳолиси 15,8 минг киши (2004). 1681 йилда Эски Вадоқ канали ўрнида янги Шоҳобод (Шовот) каналининг барпо этилиши муносабати билан Хива хони Анушахон Абулғозий Баҳодирхон ўғли томонидан асос солинган ва номини ушбу канал (Шоҳобод, шевада Шовот) номидан олган.
Ш.да пахта тозалаш, ғишт, подшипник здлари, ипйигирув ф-каси, ун, маиший хизмат кўрсатиш ктлари, автокорхона ва бошқалар жойлашган. Мустақиллик йилларида 10 та йирик (чарм ишлаб чиқариш, темирбетон, «Бинокор» маиший хизмат кўрсатиш, «Истиқбол», «Ўзбекистон» ва бошқалар) корхона ишга туширилди. «Семурғ», Ўзбекистон — Германия «Шовоттекс» қўшма корхоналари фаолият кўрсатади.
Шаҳарчада 6 умумий таълим мактаби, 4 касб-ҳунар коллежи, Комилжон Отаниёзов номидаги маданият ва истироҳат боғи, марказий кутубхона, 3 ашула ва рақс халқ дастаси, 1 мусиқа мактаби, 3 болалар кутубхонаси, «Шоҳобод» марказий стадиони, 22 тиббий хизмат кўрсатиш муассасаси мавжуд. Марказий касалхона (570 ўрин), 3 поликлиника, 7 дорихона фаолият кўрсатади.
Ш. Туркманистоннинг Тошҳовуз, Қорақалпоғистоннинг Манғит, Нукус, Хўжайли, Қўнғирот шаҳарлари билан автомобиль ва т.й.лари орқали боғланган Ш. — Тошкент поезди юриб турибди. Ш.дан вилоят маркази Урганчга автобус қатнайди.
Ад.: Абулғозий Баҳодирхон, Шажараи турк, Т., 1991; Хоразм тарихи, Урганч, 1995.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.