Şuayb
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 237–238-b. — ziyouz.com
Şuayb — Qur'onda tilga olingan payğambarlardan biri. Arabistonlik 4 payğambardan (Hud, Solih, Muhammad bilan birga) biri. Ş. öz qavmini fasohatli usullar bilan imonga da'vat etganligidan «payğambarlar xatibi» deb nom olgan. Ş. va uning qavmi Arabiston ya.o.ning Qizil dengiz qirğoğidagi Madyon degan joyda yaşab ötgan. Bu qavm, asosan, savdosotiq bilan şuğullangan. Ular Allohga ibodat qiliş örniga turli ilohlarga siğinadigan, moddiy boylik orttirişga hirs qöygan, bu yölda har qanday razolat, nohaqliklardan qaytmaydigan kişilar edi. Savdo qilganlarida toştarozidan urib qolişga odatlanişgandi. Ş. öz qavmini savdoda halollikka, kişilar haqiga xiyonat qilmaslikka da'vat eta boşladi. Ş.ning nasihatlariga könmagan qavmning barçasi zilzila yuz berişi natijasida halokatga uçradi. Qur'onda payğambarlarga böysunmagan qavmlarni Alloh qattiq azobga duçor qilişi eslatiladi (7: 8587; 11: 87—90).
Asl matn (kirill, PDF'dagidek)
ШУАЙБ — Қуръонда тилга олинган пайғамбарлардан бири. Арабистонлик 4 пайғамбардан (Ҳуд, Солиҳ, Муҳаммад билан бирга) бири. Ш. ўз қавмини фасоҳатли усуллар билан имонга даъват этганлигидан «пайғамбарлар хатиби» деб ном олган. Ш. ва унинг қавми Арабистон я.о.нинг Қизил денгиз қирғоғидаги Мадён деган жойда яшаб ўтган. Бу қавм, асосан, савдосотиқ билан шуғулланган. Улар Аллоҳга ибодат қилиш ўрнига турли илоҳларга сиғинадиган, моддий бойлик орттиришга ҳирс қўйган, бу йўлда ҳар қандай разолат, ноҳақликлардан қайтмайдиган кишилар эди. Савдо қилганларида тоштарозидан уриб қолишга одатланишганди. Ш. ўз қавмини савдода ҳалолликка, кишилар ҳақига хиёнат қилмасликка даъват эта бошлади. Ш.нинг насиҳатларига кўнмаган қавмнинг барчаси зилзила юз бериши натижасида ҳалокатга учради. Қуръонда пайғамбарларга бўйсунмаган қавмларни Аллоҳ қаттиқ азобга дучор қилиши эслатилади (7: 8587; 11: 87—90).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.