Şuhratparastlik
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 252-b. — ziyouz.com
Şuhratparastlik – şonşuhrat ketidan quvişda namoyon böladigan axloqiy illat. Şuhratparast inson doimo atrofdagilar va jamiyat diqqat markazida turişga, soxta obrö qozonişga, maşhurlikka intiladi. Özini boşqalardan baland tutişga harakat qiladi. Bu hol oqibatda uni jamiyatning axloqiy talablari bilan, individ sifatidagi öz biologik va ma'naviyintellektual imkoniyatlari bilan mutlaqo hisoblaşmaydigan ijtimoiy nafs bandasiga aylantirib qöyadi. Natijada u mavjud voqelikni, atrofdagilarning öziga bölgan asl munosabatini haqiqiy baholay olmaydi, hayotdagi öz insoniy vazifasini bajarmay qöyadi. Manman, maqtançoq kişiga aylanadi. Faqat nom çiqarişni öylaydi. Ş. «kasali»ga mubtalo bölgan inson timsoli sifatida Gerostrat tilga olinadi. U mil. av. 356 yilda tarixda nomi qolişi va abadiy şuhrat qozoniş uçun olamning 7 mö'jizasidan biri — Efes şahridagi Artemida ibodatxonasiga öt qöygan. Hoz. gaça uning nomi taajjub, hayrat va ayni paytda nafrat va la'nat bilan tilga olinadi.
Asl matn (kirill, PDF'dagidek)
ШУҲРАТПАРАСТЛИК – шоншуҳрат кетидан қувишда намоён бўладиган ахлоқий иллат. Шуҳратпараст инсон доимо атрофдагилар ва жамият диққат марказида туришга, сохта обрў қозонишга, машҳурликка интилади. Ўзини бошқалардан баланд тутишга ҳаракат қилади. Бу ҳол оқибатда уни жамиятнинг ахлоқий талаблари билан, индивид сифатидаги ўз биологик ва маънавийинтеллектуал имкониятлари билан мутлақо ҳисоблашмайдиган ижтимоий нафс бандасига айлантириб қўяди. Натижада у мавжуд воқеликни, атрофдагиларнинг ўзига бўлган асл муносабатини ҳақиқий баҳолай олмайди, ҳаётдаги ўз инсоний вазифасини бажармай қўяди. Манман, мақтанчоқ кишига айланади. Фақат ном чиқаришни ўйлайди. Ш. «касали»га мубтало бўлган инсон тимсоли сифатида Герострат тилга олинади. У мил. ав. 356 йилда тарихда номи қолиши ва абадий шуҳрат қозониш учун оламнинг 7 мўъжизасидан бири — Эфес шаҳридаги Артемида ибодатхонасига ўт қўйган. Ҳоз. гача унинг номи таажжуб, ҳайрат ва айни пайтда нафрат ва лаънат билан тилга олинади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.